«Я хачу, каб ён спыніў страляць, сеў і падпісаў пагадненне», — сказаў Трамп журналістам.
Прэзідэнт ЗША Дональд Трамп чарговы раз заклікаў расійскага лідара Уладзіміра Пуціна прадэманстраваць прыхільнасць да міру і спыніць баявыя дзеянні ва Украіне, піша Бі-бі-сі.
«Я хачу, каб ён спыніў страляць, сеў і падпісаў пагадненне, — сказаў Трамп журналістам. — Я лічу, што ў нас ёсць умовы для заключэння здзелкі, і я хачу, каб ён падпісаў яе, скончыў гэта і проста вярнуўся да [нармальнага] жыцця».
У мінулыя выходныя Трамп заяўляў, што ў Пуціна «не было ніякіх прычын выпускаць ракеты па грамадзянскіх раёнах, гарадах і мястэчках на працягу апошніх некалькіх дзён».
«Гэта прымушае мяне думаць, што, магчыма, ён не хоча спыняць вайну», — пісаў ён у сваіх сацыяльных сетках.
Гэтай ноччу Трамп таксама заявіў, што яго сустрэча з украінскім прэзідэнтам Уладзімірам Зяленскім у Ватыкане ў суботу «прайшла добра».
«Я думаю, што сустрэча прайшла добра. Паглядзім, што адбудзецца ў бліжэйшыя некалькі дзён. Магчыма, мы даведаемся шмат новага. Я быў вельмі расчараваны тым, што ракеты ляцелі з боку Расіі», — сказаў Трамп.
Ён дадаў, што лічыць Зяленскага зацікаўленым у дасягненні мірнага пагаднення.
Трамп запатрабаваў ад Зяленскага неадкладна падпісаць пагадненне аб нетрах
Трамп: Крым застанецца з Расіяй
Трамп назваў «вялікай саступкай» Пуціна адмову захопліваць усю Украіну
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары