Падпал дамоў, звязаных з прэм'ерам Вялікабрытаніі: затрыманы трэці ўкраінец
Брытанская паліцыя паведаміла, што па падазрэнні ў датычнасці да падпалу маёмасці, звязанай з прэм'ер-міністрам Вялікабрытаніі, затрыманы яшчэ адзін чалавек: грамадзянін Украіны Пётр Пачынок, піша Бі-бі-сі.
Раней па гэтай жа справе быў затрыманы яшчэ адзін украінец Раман Лаўрыновіч, а таксама ўраджэнец Украіны — грамадзянін Румыніі Станіслаў Карпюк.
У паведамленні паліцыі Лондана сказана, што 34-гадоваму Пачынку, які пражывае на поўначы брытанскай сталіцы, выстаўленыя абвінавачанні ў падпале з намерам падвергнуць небяспецы жыццё чалавека.
У сераду Пачынок павінен з'явіцца перад Вэстмінстэрскім магістрацкім судом, дзе яму будзе абрана мера стрымання.
Аналагічныя абвінавачанні раней былі прад'яўлены таксама 21-гадоваму Лаўрыновічу і 26-гадоваму Карпюку.
Пачынок быў затрыманы 19 мая ў лонданскім раёне Чэлсі. Карпюка затрымалі 17 мая ў лонданскім аэрапорце «Лутан», калі ён спрабаваў вылецець у Румынію. Лаўрыновіч быў узяты пад арышт першым, гэта адбылося 13 мая ў раёне Сідэнхэм на паўднёвым усходзе Лондана. Абвінавачанні датычацца трох інцыдэнтаў, якія адбыліся з 8 па 12 мая.
У ноч на 12 мая пажарных выклікалі ў жылы дом у Кентыш-Таўне. Стармер і яго сям'я жылі там да таго, як ён стаў прэм'ер-міністрам у мінулым годзе. Цяпер Стармер жыве ў сваёй афіцыйнай рэзідэнцыі на Даўнінг-стрыт, 10, а яго ўласны дом здаецца ў арэнду яго сваячцы. Пры пажары пацярпелі ўваходныя дзверы дома.
8 мая загарэлася машына (па даных Reuters, Toyota RAV4) на той жа вуліцы. Яна раней таксама належала Стармеру, але ў мінулым годзе ён прадаў яе суседу.
У ноч на 11 мая адбыўся невялікі пажар на ўваходзе ў будынак у Іслінгтане, пераабсталяваны ў шматкватэрны дом. Як высветліла Бі-бі-сі, Стармер жыў па гэтым адрасе ў 1990-я гады.
У сувязі з тым, што Стармер займае пасаду прэм'ер-міністра, да расследавання падключылася Контратэрарыстычная каманда паліцыі Лондана.
Аб магчымых матывах арганізатараў падпалаў пакуль не паведамляецца.
Лаўрыновіч і Карпюк павінны быць прадстаўлены перад лонданскім Цэнтральным крымінальным судом (Олд-Бэйлі) 6 чэрвеня.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ3
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»2929
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»29
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары