22 мая тэатральная трупа беларускіх актораў з Варшавы выступіць у Вільні з прэм’ерай спектакля «Ордэн Белай Мышы» паводле аднайменнай прытчы Уладзіміра Арлова, піша bellit.com
Казка-прытча «Ордэн Белай Мышы» — гэта тэатральны эксперымент і даследаванне гісторыі Беларусаў праз спалучэнне тэксту класіка беларускай літаратуры Уладзіміра Арлова і актуальных тэкстаў сучаснай драматургіі.
Сюжэт спектакля — прадказанне. Ён балансуе паміж фантастыкай і рэчаіснасцю, вядзе гледача ў незабыўнае падарожжа ў свет пазнання беларускіх рэалій з іх эмоцыямі і перажываннямі. Гэта размова пра час і пра сябе.
22 траўня | 19:00
Тэатральная заля «Mroj-hall teatras» (Gedimino pr. 28, Vilnius)
Квіткі і падрабязнасці па спасылцы.
Паказ прысвечаны Дню салідарнасці з палітвязнямі.
Для былых палітвязняў і іхных сем’яў, а таксама для сем’яў палітвязняў — адмысловая зніжка 50% на ўсе катэгорыі квіткоў. Для замовы квіткоў палітвязням і іх сем’ям арганізатары просяць звятацца ў асабістыя: @tolanyc4.
Пастаноўка была ініцыявана беларускімі акторамі Ігарам Сіговым, Святланай Зелянкоўскай, Аляксандрам Ждановічам, рэжысёрам Уладзімірам Ушаковым і драматургіняй Дзіянай Балыка.
Цяпер чытаюць
Мінск сёння вечарам пагрузіўся ў цемру. Пасля загаду Лукашэнкі48
Мінск сёння вечарам пагрузіўся ў цемру. Пасля загаду Лукашэнкі
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары