Філіп Рыжыкаў знойдзены, пошукі вяліся тры дні. Паведамлялася, што ён выпаў за борт, калі спрабаваў вылавіць кепку.
Капітан яхты Філіп Рыжыкаў, што ўпаў за борт 9 ліпеня на Мінскім моры, загінуў, паведаміў пошукава-выратавальны атрад «Анёл» у сваім тэлеграм-канале.
«На працягу трох дзён праводзіліся пошукавыя мерапрыемствы на Мінскім моры. Пошукавікі, дайверы і валанцёры ПВА «Анёл» з сонарамі, супрацоўнікі міліцыі, вадалазы, МНС, Таварыства ратавання на водах, РАСН «Зубр» ды іншыя абследавалі акваторыю вадаёма ў раёне, дзе мужчына выпаў з яхты. У пошуках таксама бралі ўдзел родныя і блізкія мужчыны», — гаворыцца ў паведамленні.
Вечарам пятніцы Філіп Рыжыкаў быў знойдзены.
Пра інцыдэнт з яхтай на Мінскім моры Onlíner увечары ў сераду паведаміў чытач.
«Капітан спрабаваў вылавіць багром кепку, якую здзьмула (з-за моцнага ветру ўчора быў шквал). Выпаў за борт і чамусьці пайшоў на дно», — распавёў мінчук.
У чацвер інфармацыю пацвердзілі ў Таварыстве ратавання на водах. Паводле папярэдніх даных, усё адбылося 9 ліпеня каля 15:00.
«З серады вядуцца пошукавыя работы. Прыцягнуты супрацоўнікі МНС на трох катарах з двума сонарамі. Даследавана каля двух квадратных кіламетраў плошчы вадаёма», — паведаміў начальнік выратавальнай станцыі «Заслаўе-1» Алег Люцко.
Паводле звестак «Анёл»а, Філіп Рыжыкаў — шкіпер з больш чым дзесяцігадовым досведам працы ў акваторыі Мінскага мора і ўласнік яхт-клуба Feelsea.
Спевака з «Марафону адзінства» асудзілі за палітыку — прыгадалі каментары 2020-га. Бараніць у суд яго хадзілі сёстры Груздзевы16
Каментары
А чыя была кепка?