Трамп назваў крытыкаў дурнямі і пахваліў сябе за дзейнасць у «бардаку Расія/Украіна»
Прэзідэнт ЗША Дональд Трамп напісаў у сваёй сацыяльнай сетцы Truth Social, што ён, у адрозненне ад сваіх крытыкаў, паспяхова спраўляецца з ваеннымі канфліктамі па ўсім свеце, у тым ліку з «катастрофай» ва Украіне, а рэкамендацыі апанентаў лічыць бескарыснымі.
«Я залагодзіў шэсць войнаў за шэсць месяцаў, адна з якіх магла прывесці да ядзернай катастрофы, і пры гэтым мне даводзіцца чытаць і слухаць Wall Street Journal і многіх іншых, хто сапраўды не мае паняцця, расказваючы мне пра ўсё, што я раблю не так у бардаку Расія/Украіна», — напісаў Трамп, зноў нагадаўшы, што вайна ва Украіне, маўляў, з'яўляецца канфліктам «соннага Джо Байдэна».
Прэзідэнт ЗША таксама падкрэсліў, што «дакладна ведае, што робіць» і не мае патрэбы ў парадах тых, хто «гадамі працаваў над усімі гэтымі канфліктамі і так і не змог нічога зрабіць» для іх вырашэння.
«Гэта «дурныя» людзі, без здаровага сэнсу […], і яны толькі ўскладняюць выпраўленне цяперашняй катастрофы з Расіяй і Украінай», — заявіў Трамп.
Ён паабяцаў давесці да канца справу ўрэгулявання ва Украіне насуперак сваім «легкадумным і зайздросным крытыкам».
У іншым сваім пасце ён заявіў:
«Я абсалютна перакананы, што, калі Расія падыме рукі і скажа: «Мы здаемся, мы саступаем, мы капітулюем, мы аддамо Украіне і вялікім Злучаным Штатам Амерыкі, самай шанаванай, паважанай і магутнай з усіх краін, якія калі-небудзь існавалі, Маскву і Санкт-Пецярбург і ўсё, што іх атачае за тысячу міль», то фэйкавыя навінавыя СМІ і іх партнёры-дэмакраты сказалі б, што гэта быў кепскі і зневажальны дзень для Дональда Трампа, адзін з найгоршых дзён у гісторыі нашай краіны».
У Вашынгтоне Зяленскі сустрэўся са спецпрадстаўніком Трампа па Украіне
Джэй Дзі Вэнс зноў будзе прысутнічаць пры размове Трампа з Зяленскім. Ці надзене Зяленскі гальштук?
Трамп ледзь не сарваў перамовы на Алясцы праз нязгоду з Пуціным па Данбасе
Праз санкцыі расійскай дэлегацыі давялося на Алясцы аплачваць паліва для самалётаў гатоўкай. А гэта сотні тысяч даляраў
Стала вядома, калі сёння адбудзецца сустрэча Трампа, Зяленскага і лідараў ЕС
«Калі захоча, Зяленскі можа амаль імгненна скончыць вайну з Расіяй» — Трамп напісаў новы допіс
Цяпер чытаюць
Расіянін з судзімасцю заняўся дабрачыннасцю ў Беларусі. У некаторых пасля дапамогі Дзядзі Яшы пачынаюцца праблемы12
Каментары