Трамп ледзь не сарваў перамовы на Алясцы праз нязгоду з Пуціным па Данбасе
Амерыканскае выданне Axios паведаміла, што сустрэча на Алясцы паміж прэзідэнтам ЗША Дональдам Трампам і кіраўніком Расіі Уладзімірам Пуціным ледзь не сарвалася. Прычынай сталі патрабаванні Пуціна наконт Данецкай вобласці.
Як адзначаецца, Пуцін настойваў, што хоча поўнага кантролю над вобласцю, хаця цяпер Расія кантралюе толькі каля 75% яе тэрыторыі.
Ён быў такі непахісны ў сваіх патрабаваннях, што Трамп нават разглядаў магчымасць датэрмінова завяршыць перамовы. Паводле інфармацыі ад крыніц выдання, пасля жорсткай рэакцыі Трампа Пуцін у выніку змякчыў сваю пазіцыю.
Амерыканская разведка мае розныя прагнозы: адныя лічаць, што Расія можа захапіць Данецкую вобласць цалкам ужо да кастрычніка, іншыя ж сцвярджаюць, што гэта будзе вельмі цяжкі і няпэўны працэс.
Раней Reuters апублікавала ўмовы Пуціна па спыненні вайны. Сярод іх — патрабаванне, каб украінскія войскі выйшлі з тэрыторый Данецкай і Луганскай абласцей.
Дзяржаўны сакратар ЗША Марка Рубіа падкрэсліў, што Вашынгтон не будзе прымушаць Кіеў адмаўляцца ад сваіх земляў у абмен на мір. У сваю чаргу, прэзідэнт Украіны Уладзімір Зяленскі заявіў, што гаворка можа ісці толькі пра наяўную лінію фронту, а Канстытуцыя Украіны не дазваляе аддаваць або абменьваць тэрыторыі.
Праз санкцыі расійскай дэлегацыі давялося на Алясцы аплачваць паліва для самалётаў гатоўкай. А гэта сотні тысяч даляраў
Стала вядома, калі сёння адбудзецца сустрэча Трампа, Зяленскага і лідараў ЕС
«Калі захоча, Зяленскі можа амаль імгненна скончыць вайну з Расіяй» — Трамп напісаў новы допіс
«Кааліцыя згодных» гатовая размясціць войскі ва Украіне пасля спынення агню
Абавязацельствы Расіі не нападаць на Еўропу і Украіну мусяць распаўсюджвацца і на Беларусь
«Далі 3600 рублёў штрафу». На беларуску напісаў палітычны данос хлопец, з якім яна хадзіла на спатканні і якога злавіла на здрадзе31
Каментары