Tramp nazvaŭ krytykaŭ durniami i pachvaliŭ siabie za dziejnaść u «bardaku Rasija/Ukraina»
Prezident ZŠA Donald Tramp napisaŭ u svajoj sacyjalnaj sietcy Truth Social, što jon, u adroźnieńnie ad svaich krytykaŭ, paśpiachova spraŭlajecca z vajennymi kanfliktami pa ŭsim śviecie, u tym liku z «katastrofaj» va Ukrainie, a rekamiendacyi apanientaŭ ličyć bieskarysnymi.
«Ja załahodziŭ šeść vojnaŭ za šeść miesiacaŭ, adna ź jakich mahła pryvieści da jadziernaj katastrofy, i pry hetym mnie davodzicca čytać i słuchać Wall Street Journal i mnohich inšych, chto sapraŭdy nie maje paniaćcia, raskazvajučy mnie pra ŭsio, što ja rablu nie tak u bardaku Rasija/Ukraina», — napisaŭ Tramp, znoŭ nahadaŭšy, što vajna va Ukrainie, maŭlaŭ, źjaŭlajecca kanfliktam «sonnaha Džo Bajdena».
Prezident ZŠA taksama padkreśliŭ, što «dakładna viedaje, što robić» i nie maje patreby ŭ paradach tych, chto «hadami pracavaŭ nad usimi hetymi kanfliktami i tak i nie zmoh ničoha zrabić» dla ich vyrašeńnia.
«Heta «durnyja» ludzi, biez zdarovaha sensu […], i jany tolki ŭskładniajuć vypraŭleńnie ciapierašniaj katastrofy z Rasijaj i Ukrainaj», — zajaviŭ Tramp.
Jon paabiacaŭ davieści da kanca spravu ŭrehulavańnia va Ukrainie nasupierak svaim «lehkadumnym i zajzdrosnym krytykam».
U inšym svaim paście jon zajaviŭ:
«Ja absalutna pierakanany, što, kali Rasija padymie ruki i skaža: «My zdajemsia, my sastupajem, my kapitulujem, my addamo Ukrainie i vialikim Złučanym Štatam Amieryki, samaj šanavanaj, pavažanaj i mahutnaj z usich krain, jakija kali-niebudź isnavali, Maskvu i Sankt-Pieciarburh i ŭsio, što ich atačaje za tysiaču mil», to fejkavyja navinavyja ŚMI i ich partniory-demakraty skazali b, što heta byŭ kiepski i źnievažalny dzień dla Donalda Trampa, adzin z najhoršych dzion u historyi našaj krainy».
U Vašynhtonie Zialenski sustreŭsia sa śpiecpradstaŭnikom Trampa pa Ukrainie
Džej Dzi Vens znoŭ budzie prysutničać pry razmovie Trampa ź Zialenskim. Ci nadzienie Zialenski halštuk?
Tramp ledź nie sarvaŭ pieramovy na Alascy praź niazhodu z Pucinym pa Danbasie
Praz sankcyi rasijskaj delehacyi daviałosia na Alascy apłačvać paliva dla samalotaŭ hatoŭkaj. A heta sotni tysiač dalaraŭ
Stała viadoma, kali siońnia adbudziecca sustreča Trampa, Zialenskaha i lidaraŭ ES
«Kali zachoča, Zialenski moža amal imhnienna skončyć vajnu z Rasijaj» — Tramp napisaŭ novy dopis
Što viadoma pra viciebčuka, jakoha vinavaciać u sprobie padryvu samalota ŭ Hiermanii12
Kamientary