Эрдаган заявіў, што Пуцін і Зяленскі пакуль не гатовыя да двухбаковай сустрэчы
Прэзідэнт Турцыі Рэджэп Таіп Эрдаган паведаміў журналістам, што падчас свайго візіту ў Кітай абмяркоўваў з прэзідэнтам Расіі шляхі заканчэння вайны ва Украіне, перадае Reuters.
Эрдаган таксама распавёў, што гаварыў па тэлефоне з украінскім лідарам Уладзімірам Зяленскім, але бакі «пакуль не гатовыя» да двухбаковых перамоў, гаворыцца ў паведамленні.
Паводле слоў турэцкага прэзідэнта, Анкара выступае за «паступовае павышэнне ўзроўню перамоў».
Па выніках перамоў з удзелам еўрапейскіх лідараў у Вашынгтоне прэзідэнт ЗША Дональд Трамп заявіў, што наступны крок — гэта сустрэча прэзідэнтаў Украіны і Расіі.
Зяленскі настойвае, што гатовы сустрэцца з Пуціным у любы момант, аднак Расія неаднаразова заяўляла, што для такіх перамоў трэба папярэдне ўзгадніць умовы спынення агню і шляхі да міру.
З заяў Масквы таксама не вынікала, што яна гатовая да якіх-небудзь саступак або да адмовы ад максімалісцкіх патрабаванняў, якія для Украіны застаюцца непрымальнымі.
Цяпер чытаюць
Беларускія рэпетытары ў паніцы: праз праблемы «Яндэкса» яны могуць страціць матэрыялы, якія напрацоўвалі гадамі15
Каментары