Улад Плахатнюк быў затрыманы ў Грэцыі 22 ліпеня, калі ён збіраўся вылецець у Дубай.
Былога «гаспадара Малдовы», алігарха Улада Плахатнюка, экстрадавалі з Грэцыі ў Малдову, паведамляе Newsmaker.
Раніцай 25 верасня Плахатнюка прывезлі ў Кішынёў пад канвоем прамым рэйсам з Афін. На апублікаваным відэа бачна, як алігарх выходзіць з самалёта ў суправаджэнні канвою пасля таго, як борт пакінулі звычайныя пасажыры рэйса.
У Міністэрстве юстыцыі раней паведамілі, што ён будзе ўтрымлівацца ў турме №13 у Кішынёве.
Плахатнюк быў затрыманы ў Грэцыі 22 ліпеня, калі ён збіраўся вылецець у Дубай.
У Малдове супраць яго выдадзеныя ордары на арышт па трох справах. Самая гучная з іх — аб «крадзяжы мільярда» ў 2014 годзе з банкаў Малдовы, нагадвае «Еўрапейская праўда».
Паводле звестак пракуратуры, Плахатнюк праз кантраляваныя Іланам Шорам кампаніі атрымаў больш за 40 мільёнаў долараў. Справу перадалі ў суд у 2023 годзе. У лютым 2025 года яго аб'явілі ў вышук праз Інтэрпал.
Да страты ўлады і ўцёкаў з краіны ў 2019 годзе Плахатнюк меў вялікі ўплыў на жыццё краіны, за што і атрымаў мянушку «гаспадар Малдовы».
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары