Uład Płachatniuk byŭ zatrymany ŭ Hrecyi 22 lipienia, kali jon źbiraŭsia vylecieć u Dubaj.
Byłoha «haspadara Małdovy», aliharcha Ułada Płachatniuka, ekstradavali z Hrecyi ŭ Małdovu, paviedamlaje Newsmaker.
Ranicaj 25 vieraśnia Płachatniuka pryvieźli ŭ Kišynioŭ pad kanvojem pramym rejsam z Afin. Na apublikavanym videa bačna, jak aliharch vychodzić z samalota ŭ supravadžeńni kanvoju paśla taho, jak bort pakinuli zvyčajnyja pasažyry rejsa.
U Ministerstvie justycyi raniej paviedamili, što jon budzie ŭtrymlivacca ŭ turmie №13 u Kišyniovie.
Płachatniuk byŭ zatrymany ŭ Hrecyi 22 lipienia, kali jon źbiraŭsia vylecieć u Dubaj.
U Małdovie suprać jaho vydadzienyja ordary na aryšt pa troch spravach. Samaja hučnaja ź ich — ab «kradziažy miljarda» ŭ 2014 hodzie z bankaŭ Małdovy, nahadvaje «Jeŭrapiejskaja praŭda».
Pavodle źviestak prakuratury, Płachatniuk praz kantralavanyja Iłanam Šoram kampanii atrymaŭ bolš za 40 miljonaŭ dołaraŭ. Spravu pieradali ŭ sud u 2023 hodzie. U lutym 2025 hoda jaho abjavili ŭ vyšuk praź Interpał.
Da straty ŭłady i ŭciokaŭ z krainy ŭ 2019 hodzie Płachatniuk mieŭ vialiki ŭpłyŭ na žyćcio krainy, za što i atrymaŭ mianušku «haspadar Małdovy».
Ciapier čytajuć
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek4
Kamientary