Еўропа папярэдзіла Расію, што будзе збіваць яе самалёты над сваёй тэрыторыяй
Паводле інфармацыі агенцтва Bloomberg, дыпламаты з Вялікабрытаніі, Германіі і Францыі падчас перамоў у Маскве папярэдзілі расійскія ўлады, што краіны НАТА гатовыя жорстка рэагаваць на парушэнні паветранай прасторы альянсу, уключаючы магчымасць збіваць расійскія самалёты.
Прычынай абвастрэння стаў нядаўні інцыдэнт, калі расійскія знішчальнікі МіГ-31 уварваліся ў паветраную прастору Эстоніі. Еўрапейскія дыпламаты лічаць, што гэты крок быў санкцыянаваны расійскім камандаваннем.
Паводле слоў аднаго з расійскіх чыноўнікаў, інцыдэнт стаў «рэакцыяй на атакі Украіны па Крыме», якія, на думку Масквы, немагчымыя без падтрымкі НАТА. Таму ў Крамлі сцвярджаюць, што фактычна ўжо знаходзяцца ў стане канфрантацыі з Еўропай.
Дэлегацыя НАТА адзначыла, што ў ходзе сустрэчы расійскія прадстаўнікі рабілі падрабязныя запісы, што, на думку дыпламатаў, сведчыць пра тое, што Масква рыхтуе дакладнае паведамленне для свайго кіраўніцтва.
Урад Германіі пацвердзіў факт перамоў і падкрэсліў, што патрабаванні спыніць парушэнні былі выказаныя адкрыта. Федэральны канцлер Германіі Фрыдрых Мерц заявіў, што дзейнічае ў цеснай каардынацыі з Парыжам, Лонданам і Варшавай і падтрымае «ўсе неабходныя меры». Вялікабрытанія і Францыя публічна каментаваць сітуацыю не сталі.
У той жа час пасол Расіі ў Францыі Аляксей Мяшкоў заявіў, што «калі НАТА саб’е расійскі самалёт з-за парушэння паветранай прасторы, гэта будзе азначаць вайну».
З моманту стварэння НАТА ў 1949 годзе артыкул 4, які прадугледжвае кансультацыі ў выпадку пагрозы адной з краін альянсу, выкарыстоўваўся ўсяго дзевяць разоў. Прытым апошнія два выпадкі былі ў верасні 2025-га: спачатку расійскія дроны трапілі на тэрыторыю Польшчы, а пасля расійскія самалёты ўварваліся ў паветраную прастору Эстоніі.
Расійскія ўлады адмаўляюць факт парушэнняў. Мінабароны РФ заяўляла, што дроны, якія заляцелі ў Польшчу, не мелі мэтай атакі на аб’екты ўнутры краіны.
Прэзідэнт ЗША Дональд Трамп падтрымаў пазіцыю еўрапейскіх саюзнікаў і, у прыватнасці, польскага прэм’ер-міністра Дональда Туска, якія настойваюць на тым, што ў выпадку новых парушэнняў расійскія самалёты трэба збіваць.
Прэзідэнт Чэхіі: Расійскія самалёты, якія парушаюць паветраную прастору краін НАТА, трэба збіваць
Два расійскія знішчальнікі правакацыйна праляцелі над польскай нафтавай платформай
Міністарка абароны Літвы заклікала збіваць расійскія знішчальнікі
Расійскі самалёт-выведнік заўважылі над Балтыйскім морам — Германія падымала знішчальнікі
Турцыя накіравала самалёт-радыёлакацыйны комплекс у Літву на фоне парушэнняў паветранай прасторы з боку Расіі
Расійскія самалёты лёталі каля Аляскі, ЗША падымалі знішчальнікі
Ці павінна НАТА пасля дронавай атакі на Польшчу задзейнічаць 5‑ты артыкул? Адназначна — не. Але рэагаваць мусіць рашуча
«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»8
Каментары