У Гомелі суд па палітычным артыкуле асудзіў Ігара Мачалава, брата былога палітвязня Станіслава Мачалава, піша «Гомельская вясна».
Ігар Мачалаў прызнаны вінаватым у садзейнічанні экстрэмісцкай дзейнасці паводле частак 1 і 2 артыкула 361-4, аднак што дакладна яму ставілася ў віну, пакуль невядома. Вядома толькі, што прысуд не прадугледжвае пазбаўлення волі — хутчэй за ўсё, у гэтым выпадку будзе яе абмежаванне.
Станіслава Мачалава судзілі ў студзені 2022 года. Яго абвінавачвалі ў гвалце супраць прадстаўніка ўлады і ў арганізацыі дзеянняў, якія груба парушаюць грамадскі парадак. Станіслаў адбыў трохгадовы тэрмін у калоніі №22 пад Івацэвічамі і вызваліўся ў снежні 2023 года.
Гэта не першы выпадак, калі пад рэпрэсіі трапляе брат палітвязня. Напрыклад, у жніўні стала вядома пра пераслед Вячаслава Бераставога — брата палітвязня Андрэя Бераставога. Вячаславу, як і Андрэю, прысудзілі рэальны тэрмін зняволення за нібыта арганізацыю дзеянняў, што парушаюць грамадскі парадак (ч. 1 арт. 342 КК).
Мінскі гарадскі суд не вытрымлівае нагрузкі — не паспяваюць судзіць палітвязняў
Стаў вядомы жорсткі прысуд былому начальніку цэха «Гомсельмаша»
Зміцер Ягораў: «Байсол» збіраецца і далей выплачваць па 1000 еўра палітвязням
«Я не збіраўся сядаць у турму». Былы ратавальнік правёў 4,5 гады ў калоніі праз дзве кінутыя бутэлькі і жменю пяску
Цяпер чытаюць
«Патрабавалі, каб я з калегамі пры дзецях па-беларуску не размаўляла». Ці сутыкаюцца беларускамоўныя з булінгам у краіне27
Каментары