У чэрвені 2023 года ў Гомельскім абласным судзе прайшоў закрыты працэс супраць былога начальніка цэха завода «Гомсельмаш» Уладзіслава Пудзяка. Суддзя Аляксандр Піскуноў прызнаў мужчыну вінаватым у «здрадзе дзяржаве» і прысудзіў рэальны тэрмін. Але дакладны вынік працэсу стаў вядомы толькі цяпер, піша «Гомельская вясна».
Цяпер стала вядома, што Пудзяку прызначылі 11 гадоў пазбаўлення волі ў калоніі агульнага рэжыму.
У верасні 2023 года Вярхоўны суд на чале з Мікалаем Грынцэвічам адхіліў яго апеляцыю і пакінуў прысуд без зменаў.
Уладзіслаў Пудзяк працаваў на «Гомсельмашы» і неаднаразова быў у выбарчых камісіях. На прэзідэнцкіх выбарах 2020 года, якія былі сфальсіфікаваныя, ён выконваў абавязкі намесніка старшыні камісіі ўчастка №20 у Гомелі.
За што менавіта яго абвінавацілі ў «здрадзе дзяржаве», па-ранейшаму невядома. У жніўні 2023 года праваабаронцы прызналі яго палітвязнем, а МУС уключыла ў спіс «экстрэмістаў».
Цяпер Уладзіслаў Пудзяк знаходзіцца ў калоніі №17 у Шклове Магілёўскай вобласці.
Цяпер чытаюць
Ціханоўскі: Ціханоўскай можна было ў 2020‑м не пабаяцца турмы. І, можа, у беларусаў быў бы шанец76
Каментары