Пасля таго, як у сераду Літва закрыла прыкладна на шэсць з паловай гадзін памежныя пераходы з Беларуссю «Меднікі» і «Шальчынінкай», Літоўская нацыянальная асацыяцыя аўтамабільнага транспарту Linava заявіла, што падобныя дзеянні негатыўна адбіваюцца на працы сектара. Служба ж аховы дзяржаўнай мяжы Літвы (САДМЛ) заявіла, што рух транспарту істотна парушаны не быў, піша LRT.
Генеральны сакратар Linava, якая аб'ядноўвае больш за 700 транспартных кампаній, Нарунас Раўлінайціс заявіў, што асацыяцыя рашуча крытыкуе рашэнне аб закрыцці сухапутных пераходаў з Беларуссю.
«Дзяржаўныя ведамствы маюць права і абавязак забяспечваць бяспеку паветранай прасторы, але прынятае ў дадзеным выпадку рашэнне выклікае сур'ёзныя сумневы ў яго суразмернасці. Паветраны інцыдэнт не павінен стаць падставай, каб паралізаваць аўтамабільныя перавозкі», — адзначыў Раўлінайціс.
Паводле яго слоў, падобныя дзеянні наўпрост б'юць па транспартным сектары, працаўнікі якога і без таго сутыкаюцца з невыноснымі ўмовамі чакання на мяжы.
Прадстаўнік памежнага ведамства паведаміў, што ў параўнанні з патокамі папярэдніх дзён сітуацыя сёння істотна не змянілася: чэргаў на памежных пунктах пропуску не назіралася, негатыўнай рэакцыі пасажыраў таксама не было.
Рашэнне аб закрыцці двух адзіных пунктаў пропуску на мяжы з Беларуссю ў начны час было прынята пасля таго, як з Беларусі ў краіну заляцела некалькі дзясяткаў паветраных шароў з кантрабандай, што таксама парушыла працу Віленскага аэрапорта.
Цяпер чытаюць
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары