Paśla taho, jak u sieradu Litva zakryła prykładna na šeść z pałovaj hadzin pamiežnyja pierachody ź Biełaruśsiu «Miedniki» i «Šalčyninkaj», Litoŭskaja nacyjanalnaja asacyjacyja aŭtamabilnaha transpartu Linava zajaviła, što padobnyja dziejańni niehatyŭna adbivajucca na pracy siektara. Słužba ž achovy dziaržaŭnaj miažy Litvy (SADMŁ) zajaviła, što ruch transpartu istotna parušany nie byŭ, piša LRT.
Hienieralny sakratar Linava, jakaja abjadnoŭvaje bolš za 700 transpartnych kampanij, Narunas Raŭlinajcis zajaviŭ, što asacyjacyja rašuča krytykuje rašeńnie ab zakryćci suchaputnych pierachodaŭ ź Biełaruśsiu.
«Dziaržaŭnyja viedamstvy majuć prava i abaviazak zabiaśpiečvać biaśpieku pavietranaj prastory, ale pryniataje ŭ dadzienym vypadku rašeńnie vyklikaje surjoznyja sumnievy ŭ jaho suraźmiernaści. Pavietrany incydent nie pavinien stać padstavaj, kab paralizavać aŭtamabilnyja pieravozki», — adznačyŭ Raŭlinajcis.
Pavodle jaho słoŭ, padobnyja dziejańni naŭprost bjuć pa transpartnym siektary, pracaŭniki jakoha i biez taho sutykajucca ź nievynosnymi ŭmovami čakańnia na miažy.
Pradstaŭnik pamiežnaha viedamstva paviedamiŭ, što ŭ paraŭnańni z patokami papiarednich dzion situacyja siońnia istotna nie źmianiłasia: čerhaŭ na pamiežnych punktach propusku nie nazirałasia, niehatyŭnaj reakcyi pasažyraŭ taksama nie było.
Rašeńnie ab zakryćci dvuch adzinych punktaŭ propusku na miažy ź Biełaruśsiu ŭ načny čas było pryniata paśla taho, jak ź Biełarusi ŭ krainu zalacieła niekalki dziasiatkaŭ pavietranych šaroŭ z kantrabandaj, što taksama parušyła pracu Vilenskaha aeraporta.
Ciapier čytajuć
Minskaja fatohrafka trapiła ŭ strašnuju avaryju na samakacie ŭ Dubai. Jana pralažała ŭ komie 14 dzion5
Minskaja fatohrafka trapiła ŭ strašnuju avaryju na samakacie ŭ Dubai. Jana pralažała ŭ komie 14 dzion
Jeździli šukać navat u BSSR, a nieapaznanaje cieła 30 hadoŭ lažała ŭ śpiecschoviščy. Novyja detali zahadkavaha źniknieńnia ŭ ZŠA biełaruskaha piśmieńnika Mikoły Celeša22
Kamientary