«Вар’яцкая афёра». Лукашэнка пракаментаваў закрыццё літоўскай мяжы
Аляксандр Лукашэнка назваў вар’яцкай афёрай закрыццё Літвой мяжы. Пра гэта ён заявіў на III Мінскай міжнароднай канферэнцыі па еўразійскай бяспецы, піша БелТА.
«Канферэнцыю чакалі не толькі мы, удзельнікі. Але і нашы апаненты, якія ўважліва сёння назіраюць за Мінскам. Не ўсе сёння павінны былі дабрацца да Мінска. Менавіта такую мэту пераследавалі некаторыя нашы суседзі, правёўшы гэтую вар’яцкую афёру з закрыццём мяжы. І нагоду прыдумалі абсурдную. Паветраныя шары. Нават для такой дробнай краіны, як Літва, гэта дробна», — сказаў ён.
«Нават самыя вялікія патрабуюць ад нас выбачэнняў. Маўляў, калі вінаваты, трэба выбачацца. Ведаеце, калі мы будзем перакананыя, што мы вінаватыя, то мы выбачымся, пытанняў няма. Але калі туды ляцяць нейкія шарыкі з цыгарэтамі, то нехта іх там прымае. Значыць трэба знайсці і спыніць».
«Адказна заяўляю, што ні пра якую надзвычайную кантрабанду гаворкі няма. Але гэта шмат пра што кажа пра палітычны патэнцыял нашай канферэнцыі», — дадаў Аляксандр Лукашэнка.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»29
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары