Грамадства22

Беларускі дызайнер зрабіў футра, натхніўшыся выбіваннем дываноў на снезе

Цыклон Улі разам са снегам і маразамі прынёс тоны крэатыву: беларусы рабілі мемы, здымалі тыктокі на лыжах і каньках, ляпілі скульптуры і забаўляліся са штучным інтэлектам. Адзін з прыколаў зайшоў занадта далёка. Графічны дызайнер Лёша Лімонаў паказаў канцэпты белых футраў з дэкорам у выглядзе шуфляў, снегаўборачных МАЗаў, лыжнікаў і выгаленых «анёлаў». Гэта стала настолькі папулярным, што прыйшлося па-сапраўднаму станавіцца яшчэ і модным дызайнерам, піша «Анлайнер».

«Сядзеў каля акна, глядзеў на снег, круціў у галаве ідэі. Спачатку проста прыйшоў вобраз аранжавага шуфля — падумаў, што будзе прыкольна размясціць яго на белай цішотцы. Потым ужо прыйшло азарэнне: гэта павінна быць не цішотка, а футра. Так яго мяккая тэкстура стала месцам для нейкіх зразумелых гарадскіх сюжэтаў: чалавек з шуфлем, самі шуфлі, раскіданыя на снезе, снегаўборачныя аўтамабілі, матывы з сабакамі (калі прыадчыніць некаторыя месцы на футры, бачныя іх гаўняшкі)», — расказаў Лімонаў журналісту «Анлайнера».

Дызайнер увасобіў свае фантазіі ў ілюстрацыях з дапамогай ШІ, выклаў у Instagram — і пачалося. Адна толькі падборка фатаграфій з футрамі сабрала больш за 200 тысяч праглядаў, пост лайкалі зоркі, а каментары былі завалены пытаннямі: «Дзе купіць?» і «Колькі каштуе?»

Лёша жартуе, што пасля таго, як на яго сацсеткі падпісаўся вядомы мадэльер Дзяніс Сімачоў, дакладна вырашыў: трэба рабіць сапраўднае футра.

Белае футра для эксперыменту ахвяраваў адзін з беларускіх брэндаў, якім Лёша пісаў з просьбай аб калабарацыі. Дызайнер прынёс рэч дадому, узяў звычайны трымер, якім голіць галаву, і пачаў выгольваць на футры месцы для будучых дызайнерскіх элементаў.

Тут і атрымаўся першы «касяк»: футра занадта моцнае. Больш магутная машынка для стрыжкі яго таксама «не ўзяла».

«Ужо расстроіўся: эх, такая класная ідэя, а так складана рэалізаваць… У выніку зайшоў у грумінг-салон каля дома, паказаў ім футра. Дзяўчына ўзяла машынку для стрыжкі сабак — і лёгка выгаліла кавалак. Я літаральна праз гадзіну купіў сабе такую самую і сеў за працу».

У выніку атрымалася «снежнае» футра з настальгічнымі дэталямі: савецкімі дыванамі і выбівалкамі. Верагодна, тыя, хто нарадзіўся пазней за 2000 год, могуць нават не зразумець, да чаго адсылае такая кампазіцыя, але ў людзей старэйшага ўзросту зараз, відаць, глуха застукала ў галаве. У модны slavic core таксама як быццам упісваецца ідэальна.

Пакуль рэч існуе ў адзіным экзэмпляры, хоць Лёша не выключае вытворчасць такіх жа пад заказ. Ёсць у дызайнера і думкі наконт каляровай серыі футраў з падобнымі «выгаленасцямі» і беларускімі сюжэтамі: рапсавыя палі, камбайны і ўсё ў такім духу.

Каментары2

  • бабруйчанін
    31.01.2026
    Фантазыйна .))) Супер!!!
  • Валенцін О.
    31.01.2026
    Толькі хацеў падказць узяць "сабаччую" машынку, як прачытаў, што "дызайнэр" сам скеміў. Ну малайчына, галава працуе. Адно што белае футра гэта вельмі непрактычна- ну але ж сьнег бывае і шэрым і жоўтым)))

Цяпер чытаюць

Крымскі мост зруйнаваны ўдарам ракет «Фламінга»

Усе навіны →
Усе навіны

У Бабруйску мужчына перарабляў сігнальныя пісталеты ў баявыя1

Як Джэнсэн Хуанг адкрыў Кітаю абводную дарогу да ўдзелу ў ШІ-гонцы5

У Гродне раварыст насмерць збіў пенсіянера2

З’явіліся спадарожнікавыя здымкі пашкоджанняў Крымскага моста пасля ўкраінскай атакі5

Аляксандр Ярашук: Мяне бессэнсоўна ламаць — я не здраджу сваім прынцыпам і каштоўнасцям2

Беларус на юнацкай Алімпіядзе заваяваў бронзу ў брэйкінгу. Вось як яго сустрэлі дома2

У Малдове адмянілі канцэрт беларускага музыкі ДзіДзюЛі пасля зваротаў украінскіх дыпламатаў24

Пад Уроцлавам знайшлі магілу аднаго з пачынальнікаў Слуцкага паўстання. Пасля вайны ён схаваўся ў Сілезіі і выдаваў сябе за матэматыка са Львова2

ЕС уводзіць санкцыі супраць заснавальніцы Wildberries Таццяны Кім8

больш чытаных навін
больш лайканых навін

Крымскі мост зруйнаваны ўдарам ракет «Фламінга»25

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць