Задача для міністра замежных спраў — нармалізаваць сітуацыю і аднавіць паўнацэнную працу пунктаў пропуску на сумеснай граніцы.
МЗС Беларусі правядзе перамовы з літоўскім бокам па сітуацыі на мяжы, пра гэта піша прэс-служба Аляксандра Лукашэнкі.
«Міністру замежных спраў арганізаваць перамовы ў пытаннях нармалізацыі сітуацыі і аднаўлення паўнавартаснага функцыянавання пунктаў пропуску на супольнай мяжы — з удзелам літоўскіх упаўнаважаных асоб, адказных за гэты кірунак», —сказана ў паведамленні.
Каардынаваць працэс перамоў даручана дзяржсакратару Рады бяспекі Аляксандру Вальфовічу.
Літоўская мяжа закрыта з канца кастрычніка да 30 лістапада, гэта было зроблена пасля таго, як некалькі раз метэазонды кантрабандыстаў парушалі паветраную прастору Літвы, што прыводзіла да паралізацыі працы Віленскага аэрапорта.
Цяпер чытаюць
62‑гадовая бізнэсвумэн і мільянерка Ірына Цярэшчанка падзялілася гісторыяй свайго кахання з мужчынам, на 20 гадоў малодшым за яе8
Каментары
НН, перастаньце называць метэазонды невядомага паходжання зондамі кантрабандыстаў. Бо верагоднасць, што гэта іх зонды, роўная нулю. Не трэба паўтараць услед за КДБэшнай прапагандай. Вы самі друкуеце артыкулы пра арышты людзей за падпіскі, але адмаўляецеся прыняць факт, што нікога з "кантрабандыстаў" за некалькі месяцаў не арыштавалі, хоць перакрыццё мяжы і сапсаванне стасункаў з-за зондаў, гэта мільённыя страты для двух краін. Давайце не будзем неверагоднымі і навучымся складаць 2+2. Вы ж медыя, а не СБ.