Zadača dla ministra zamiežnych spraŭ — narmalizavać situacyju i adnavić paŭnacennuju pracu punktaŭ propusku na sumiesnaj hranicy.
MZS Biełarusi praviadzie pieramovy ź litoŭskim bokam pa situacyi na miažy, pra heta piša pres-słužba Alaksandra Łukašenki.
«Ministru zamiežnych spraŭ arhanizavać pieramovy ŭ pytańniach narmalizacyi situacyi i adnaŭleńnia paŭnavartasnaha funkcyjanavańnia punktaŭ propusku na supolnaj miažy — z udziełam litoŭskich upaŭnavažanych asob, adkaznych za hety kirunak», —skazana ŭ paviedamleńni.
Kaardynavać praces pieramoŭ daručana dziaržsakrataru Rady biaśpieki Alaksandru Valfoviču.
Litoŭskaja miaža zakryta z kanca kastryčnika da 30 listapada, heta było zroblena paśla taho, jak niekalki raz mieteazondy kantrabandystaŭ parušali pavietranuju prastoru Litvy, što pryvodziła da paralizacyi pracy Vilenskaha aeraporta.
-
Francuzski hihant mabilnych hulniaŭ Voodoo abvinavaciŭ biełaruskuju SayGames u kapijavańni mabilnaj hulni — i znoŭ prajhraŭ
-
Biełarusy za miažoju znajšli prymianieńnie niadziejnamu biełaruskamu pašpartu
-
Cieła zabitaj u Izraili 31‑hadovaj Janiny pachavali ŭ Biełarusi. Jaje maci sprabuje zabrać maleńkaha ŭnuka
Ciapier čytajuć
Biełaruski kładaŭščyk sa svastykaj na plačy lačyŭsia ad ałkahalizmu ŭ Sibiry i pajšoŭ vajavać za Rasiju, a zastaŭsia biez vypłat i pracy13
Kamientary
NN, pierastańcie nazyvać mieteazondy nieviadomaha pachodžańnia zondami kantrabandystaŭ. Bo vierahodnaść, što heta ich zondy, roŭnaja nulu. Nie treba paŭtarać uśled za KDBešnaj prapahandaj. Vy sami drukujecie artykuły pra aryšty ludziej za padpiski, ale admaŭlajeciesia pryniać fakt, što nikoha z "kantrabandystaŭ" za niekalki miesiacaŭ nie aryštavali, choć pierakryćcio miažy i sapsavańnie stasunkaŭ z-za zondaŭ, heta miljonnyja straty dla dvuch krain. Davajcie nie budziem nievierahodnymi i navučymsia składać 2+2. Vy ž miedyja, a nie SB.