Ціханоўская падзякавала ЗША, Польшчы і Літве за вызваленне палітвязняў
Дэмакратычная лідарка пракаментавала пераезд вызваленых у суботу палітвязняў з Украіны ў Польшчу і Літву.
«Сёння ў Варшаве і ў Вільні мы сустрэлі палітвязняў, вызваленых 13 снежня. Гэта вынік доўгай і складанай працы. Мы вельмі ўдзячныя прэзідэнту Трампу і адміністрацыі прэзідэнта ЗША за тое, што вызваленне беларускіх палітвязняў стала магчымым. Вялікі дзякуй Украіне за дапамогу і каардынацыю ў першыя дні пасля вызваленняў і прымусовай дэпартацыі», — зазначыла Святлана Ціханоўская.
Яна асобна падзякавала Літве і Польшчы за гатоўнасць дапамагчы, цёплы прыём і падтрымку беларускіх палітвязняў.
«Да таго ж, хацелася б падзякаваць за выдатную працу дыпламатам, памежнікам, супрацоўнікам паліцыі, якія дапамаглі арганізаваць гэтую вельмі складаную аперацыю. Мы вельмі ўдзячныя за прафесійны і зладжаны падыход да арганізацыі і каардынацыі працэсу», — заключыла дэмакратычная лідарка,
Цяпер чытаюць
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў33
Каментары
Прабачце, пераблытау "лiдарак". А усё таму, што я ужо на тую К рэагую, як бык на чырвоную анучу: пабачыу К на iлюстрацiуным фота, а далей ужо i чытаць не стау, пайшоу у разнос.
У лiдаркi Т прашу прабачэння, не яе я меу на увазе.