Nevika спявае на беларускай мове, але часам яе песні збіраюць больш праслухоўванняў у Расіі

Сапраўднае імя спявачкі Nevika — Вікторыя Валатовіч. Дзяўчына расла ў вёсцы. Яе маці і бабуля размаўлялі па-беларуску, у школе адукацыя таксама вялася на беларускай мове.

Пра сапраўдную трагедыю беларускай вёскі яскрава сведчыць той факт, што і звычайная, і музычная школа, якія наведвала спявачка, закрыліся ў хуткім часе пасля таго, як дзяўчына атрымала атэстат. Прычына даволі празаічная: не было дастатковай колькасці вучняў.

У адным з інтэрв’ю Вікторыя распавяла, што сама пісала песні ажно з 12 гадоў, яна планавала паступіць у музычны каледж, але ж «разумныя людзі» адгаварылі. Маўляў, у Беларусі творчасцю зарабляць немагчыма.

Тады дзяўчына — між іншым, залатая медалістка — пайшла на эканамічны факультэт Акадэміі кіравання. На музыку махнула рукой. Але ж сітуацыя раптоўна змянілася, калі сябры падарылі ёй сінтэзатар.

У той момант недзе ў душы расправіла крылы даўно забытая мара. Жыццё дзяўчыны быццам бы падзялілася: да Вікторыі, якая працавала эканамісткай, дадалася артыстка Nevika.

Свой шлях на беларускай сцэне спявачка пачала з песнямі на рускай мове, але хутка зразумела — гэта не яе.

Прасоўваць песні на беларускай мове нялёгка: свайго стрымінгавага сэрвісу ў краіне няма. Даводзіцца ўпісвацца ў правілы расійскай «Яндэкс.Музыкі» ці еўрапейскага Spotify. І, канечне, значна больш шансаў трапіць у чый-небудзь плэй-ліст, калі спяваеш па-руску.

@nevika_vika

а яшчэ ў мяне выйшаў альбом і яго можна паслухаць па спасылцы ў апісанні профілю ❤️‍

♬ ПАПАРАЦЬ-КВЕТКА - Nevika

Але ж Nevika не здаецца. Увесь свой праект дзяўчына вядзе самастойна: у яе няма ні гукарэжысёра, ні аранжыроўшчыка (усяму гэтаму Вікторыя вучылася самастойна). Няма таксама прафесійных фатографа ці відэографа: здымкі ўсе спявачка робіць з дапамогай штатыву або сяброў, а потым сама апрацоўвае фота і відэа.

Летась яна выпусціла трэк «Доля», які называе самым шчырым, бо ў ім сустракаюцца два пакаленні — разам з голасам Вікторыі гучыць голас яе 95‑гадовай бабулі.

@nevika_vika

Песня цалкам ёсць на любой пляцоўцы з музыкай (яндэкс, споці, ютуб) Будзем удзячны за падтрымку

♬ оригинальный звук - n e v i k a ❤️

І сапраўды ў Nevika атрымліваецца нешта касмічнае. Свае трэкі дзяўчына адносіць да напрамку індзі. Яго назва ўзнікла ад слова independent, што ў перакладзе азначае «незалежны» — ад агульнапрынятых жанраў і нормаў.

У інтэрв’ю Вікторыя раней не раз казала, што не марыць стаць новай Anna Asti ці МакSім. Яна хоча ствараць нешта сапраўды сваё — душэўнае і роднае.

@nevika_vika

Усе цукеркі забяру! Nevika - Калядзін ☃️

♬ Калядзін - Nevika

Першы сольны канцэрт яна дала ў 2023 годзе ў даволі камернай абстаноўцы — у музеі Якуба Коласа. Потым былі выступы на пляцоўках невялікіх беларускіх клубаў і музычных фестывалях «Шлях цмока», Stereo Weekend.

Летась Nevika назвалі «Адкрыццём года» на «Песні года Беларусі».

Дзіўна, але часам беларускамоўныя песні збіраюць больш праслухоўванняў у Расіі, чым у Беларусі. У якасці прыклада яна прыводзіць песню Vishniya. «Гэтую песню ў Расіі праслухалі 1,5 мільёна разоў, а ў Беларусі — 150. Хацела зрабіць імпартазамяшчэнне, а атрымаўся экспарт», — пажартавала ў тыктоку артыстка і растлумачыла, што статыстыка сабрана дыстрыб’ютарам па розных пляцоўках.

@nevika_vika

дасюль не разумею, як так атрымалася

♬ Vishniya - Nevika

• 25
• 0
• 0
• 1
• 0
• 0
• 0
• 8