Nevika śpiavaje na biełaruskaj movie, ale časam jaje pieśni źbirajuć bolš prasłuchoŭvańniaŭ u Rasii
«Hetuju pieśniu ŭ Rasii prasłuchali 1,5 miljona razoŭ, a ŭ Biełarusi — 150. Chacieła zrabić impartazamiaščeńnie, a atrymaŭsia ekspart».
Sapraŭdnaje imia śpiavački Nevika — Viktoryja Vałatovič. Dziaŭčyna rasła ŭ vioscy. Jaje maci i babula razmaŭlali pa-biełarusku, u škole adukacyja taksama viałasia na biełaruskaj movie.
Pra sapraŭdnuju trahiedyju biełaruskaj vioski jaskrava śviedčyć toj fakt, što i zvyčajnaja, i muzyčnaja škoła, jakija naviedvała śpiavačka, zakrylisia ŭ chutkim časie paśla taho, jak dziaŭčyna atrymała atestat. Pryčyna davoli prazaičnaja: nie było dastatkovaj kolkaści vučniaŭ.
U adnym ź intervju Viktoryja raspaviała, što sama pisała pieśni ažno z 12 hadoŭ, jana płanavała pastupić u muzyčny kaledž, ale ž «razumnyja ludzi» adhavaryli. Maŭlaŭ, u Biełarusi tvorčaściu zarablać niemahčyma.
Tady dziaŭčyna — miž inšym, załataja miedalistka — pajšła na ekanamičny fakultet Akademii kiravańnia. Na muzyku machnuła rukoj. Ale ž situacyja raptoŭna źmianiłasia, kali siabry padaryli joj sintezatar.
U toj momant niedzie ŭ dušy raspraviła kryły daŭno zabytaja mara. Žyćcio dziaŭčyny byccam by padzialiłasia: da Viktoryi, jakaja pracavała ekanamistkaj, dadałasia artystka Nevika.
Svoj šlach na biełaruskaj scenie śpiavačka pačała ź pieśniami na ruskaj movie, ale chutka zrazumieła — heta nie jaje.
Prasoŭvać pieśni na biełaruskaj movie nialohka: svajho stryminhavaha servisu ŭ krainie niama. Davodzicca ŭpisvacca ŭ praviły rasijskaj «Jandeks.Muzyki» ci jeŭrapiejskaha Spotify. I, kaniečnie, značna bolš šansaŭ trapić u čyj-niebudź płej-list, kali śpiavaješ pa-rusku.
a jašče ŭ mianie vyjšaŭ albom i jaho možna pasłuchać pa spasyłcy ŭ apisańni profilu ❤️
Ale ž Nevika nie zdajecca. Uvieś svoj prajekt dziaŭčyna viadzie samastojna: u jaje niama ni hukarežysiora, ni aranžyroŭščyka (usiamu hetamu Viktoryja vučyłasia samastojna). Niama taksama prafiesijnych fatohrafa ci videohrafa: zdymki ŭsie śpiavačka robić z dapamohaj štatyvu abo siabroŭ, a potym sama apracoŭvaje fota i videa.
Letaś jana vypuściła trek «Dola», jaki nazyvaje samym ščyrym, bo ŭ im sustrakajucca dva pakaleńni — razam z hołasam Viktoryi hučyć hołas jaje 95‑hadovaj babuli.
Pieśnia całkam jość na luboj placoŭcy z muzykaj (jandeks, spoci, jutub) Budziem udziačny za padtrymku
I sapraŭdy ŭ Nevika atrymlivajecca niešta kaśmičnaje. Svaje treki dziaŭčyna adnosić da napramku indzi. Jaho nazva ŭźnikła ad słova independent, što ŭ pierakładzie aznačaje «niezaležny» — ad ahulnapryniatych žanraŭ i normaŭ.
U intervju Viktoryja raniej nie raz kazała, što nie maryć stać novaj Anna Asti ci MakSim. Jana choča stvarać niešta sapraŭdy svajo — dušeŭnaje i rodnaje.
Usie cukierki zabiaru! Nevika - Kaladzin ☃️
Pieršy solny kancert jana dała ŭ 2023 hodzie ŭ davoli kamiernaj abstanoŭcy — u muziei Jakuba Kołasa. Potym byli vystupy na placoŭkach nievialikich biełaruskich kłubaŭ i muzyčnych fiestyvalach «Šlach cmoka», Stereo Weekend.
Letaś Nevika nazvali «Adkryćciom hoda» na «Pieśni hoda Biełarusi».
Dziŭna, ale časam biełaruskamoŭnyja pieśni źbirajuć bolš prasłuchoŭvańniaŭ u Rasii, čym u Biełarusi. U jakaści prykłada jana pryvodzić pieśniu Vishniya. «Hetuju pieśniu ŭ Rasii prasłuchali 1,5 miljona razoŭ, a ŭ Biełarusi — 150. Chacieła zrabić impartazamiaščeńnie, a atrymaŭsia ekspart», — pažartavała ŭ tyktoku artystka i rastłumačyła, što statystyka sabrana dystrybjutaram pa roznych placoŭkach.
dasiul nie razumieju, jak tak atrymałasia
Kamientary