Трамп адмяніў падпісанне ў Давосе пагаднення аб паваенным аднаўленні Украіны на 800 мільярдаў даляраў
Вашынгтон і Кіеў не падпішуць на Сусветным эканамічным форуме ў Давосе пагадненне аб пасляваенным аднаўленні Украіны на суму 800 млрд даляраў, як планавалася раней, паведаміла Axios са спасылкай на ўкраінскую крыніцу.
Паводле яе слоў, чакалася, што свае подпісы пад дакументам паставяць прэзідэнты ЗША і Украіны Дональд Трамп і Уладзімір Зяленскі, аднак сустрэча двух лідараў, падчас якой гэта павінна было адбыцца, адмененая.
У той жа час амерыканская крыніца выдання адзначыла, што ўвогуле не было вызначана канкрэтных дат для падпісання пагаднення, а сам план яшчэ патрабуе дапрацоўкі.
Суразмоўца дадаў, што Трамп усё яшчэ можа сустрэцца з Зяленскім і некалькімі еўрапейскімі лідарамі ў Давосе, аднак істотных прарываў ад гэтых перамоваў чакаць не варта.
У сваю чаргу прэзідэнт Украіны заявіў, што пакуль застаецца ў Кіеве, каб правесці нараду па аднаўленні энергазабеспячэння і цеплазабеспячэння ў шэрагу рэгіёнаў краіны пасля чарговай расійскай атакі.
Каментары
Тое ж самае будзе і з "Будапэштам-2"
Уцякуюць гаранты ды схаваюцца, будуць толькі асуждаць анлайн