Tramp admianiŭ padpisańnie ŭ Davosie pahadnieńnia ab pavajennym adnaŭleńni Ukrainy na 800 miljardaŭ dalaraŭ
Vašynhton i Kijeŭ nie padpišuć na Suśvietnym ekanamičnym forumie ŭ Davosie pahadnieńnie ab paślavajennym adnaŭleńni Ukrainy na sumu 800 młrd dalaraŭ, jak płanavałasia raniej, paviedamiła Axios sa spasyłkaj na ŭkrainskuju krynicu.
Pavodle jaje słoŭ, čakałasia, što svaje podpisy pad dakumientam pastaviać prezidenty ZŠA i Ukrainy Donald Tramp i Uładzimir Zialenski, adnak sustreča dvuch lidaraŭ, padčas jakoj heta pavinna było adbycca, admienienaja.
U toj ža čas amierykanskaja krynica vydańnia adznačyła, što ŭvohule nie było vyznačana kankretnych dat dla padpisańnia pahadnieńnia, a sam płan jašče patrabuje dapracoŭki.
Surazmoŭca dadaŭ, što Tramp usio jašče moža sustrecca ź Zialenskim i niekalkimi jeŭrapiejskimi lidarami ŭ Davosie, adnak istotnych praryvaŭ ad hetych pieramovaŭ čakać nie varta.
U svaju čarhu prezident Ukrainy zajaviŭ, što pakul zastajecca ŭ Kijevie, kab pravieści naradu pa adnaŭleńni enierhazabieśpiačeńnia i ciepłazabieśpiačeńnia ŭ šerahu rehijonaŭ krainy paśla čarhovaj rasijskaj ataki.
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary
Toje ž samaje budzie i z "Budapeštam-2"
Uciakujuć haranty dy schavajucca, buduć tolki asuždać anłajn