Кур’ёзная сітуацыя адбылася ў сталічным жылым комплексе «Мінск-Свет». Жыхарка адной з новабудоўляў сутыкнулася з тым, што яе жылля афіцыйна не існуе ў базе камунальных службаў.
Праблема выкрылася, калі жанчына паспрабавала пакінуць заяўку праз службу 115, аднак сістэма проста не знайшла адрас: дом №23 па вуліцы Савіцкага ў ёй адсутнічаў.
Аб гэтай гісторыі стала вядома падчас прамой лініі ў адміністрацыі Кастрычніцкага раёна Мінска. Як высветлілася, дом быў уведзены ў эксплуатацыю нядаўна, і тэхнічныя службы не паспелі ўнесці яго ў адзіную дыспетчарскую базу горада.
Чыноўнікі запэўнілі, што спецыялісты гарадской гаспадаркі ўжо працуюць над тым, каб будынак афіцыйна з’явіўся на карце.
Цяпер чытаюць
Перасцярогі перад «новымі Жыткавічамі». Кіеў дарма бачыць пагрозу ў будаўніцтве мастоў цераз Прыпяць і Мухавец31
Каментары