ЗША плануюць укласці каля 9 мільярдаў даляраў у энергетычны сектар Арменіі, у тым ліку ў развіццё ядзернай энергетыкі. Пра гэта 9 лютага заявіў віцэ-прэзідэнт ЗША Джэй Дзі Вэнс падчас візіту ў Ерэван, дзе ён выступаў разам з прэм’ер-міністрам Арменіі Ніколам Пашынянам, піша «Еўрапейская праўда».
Паводле слоў Вэнса, бакі завяршылі перамовы па міжурадавай дамове аб супрацоўніцтве ў сферы мірнага выкарыстання ядзернай энергіі. Рэалізацыя гэтай дамовы адкрые магчымасці для новых праектаў як для амерыканскіх, так і для армянскіх кампаній. На першым этапе плануюцца інвестыцыі прыкладна на 5 мільярдаў даляраў, а на другім — яшчэ на 4 мільярды.
Віцэ-прэзідэнт ЗША падкрэсліў, што праект будзе выгадны абедзвюм краінам, бо паспрыяе ўмацаванню энергетычнай бяспекі, устойлівасці энергасістэмы і стварэнню новых працоўных месцаў.
Ён таксама адзначыў, што ў Арменіі плануецца выкарыстанне малых модульных рэактараў, то-бок сучасных амерыканскіх тэхналогій.
Вэнс дадаў, што ЗША рэдка ідуць на экспарт такіх адчувальных тэхналогій, і гэта стала магчымым у тым ліку дзякуючы даверу да армянскага кіраўніцтва.
Раней стала вядома, што Джэй Дзі Вэнс таксама наведае Азербайджан, каб замацаваць дамоўленасці адносна будаўніцтва гандлёва-транзітнага калідора.
Нагадаем, у жніўні мінулага года прэзідэнт Азербайджана Ільхам Аліеў і прэм’ер Арменіі Нікол Пашынян у прысутнасці прэзідэнта ЗША Дональда Трампа падпісалі пагадненне аб стварэнні транзітнага маршруту TRIPP з асноўнай тэрыторыі Азербайджана ў Нахічэванскі анклаў праз Арменію. Практычная рэалізацыя гэтага праекта, уключаючы пачатак будаўнічых работ, запланаваная на 2026 год.
Цяпер чытаюць
Беларускі кладаўшчык са свастыкай на плячы лячыўся ад алкагалізму ў Сібіры і пайшоў ваяваць за Расію, а застаўся без выплат і працы10
Каментары
У вас шмат чытачоў могуць уцямна расказаць, што такое малы модульны рэактар?
Я, прыкладам, абсалютна не уяўляю сабе пра што ідзе размова.
Я толькі здагадваюся, што мары Лукашэнка пра другую АЭС альбо дадатковы ВВЭРы -- рызыкуюць апынуцца прыкладам сярэдневечнага дзікунства на фоне распрацовак Брытаніі згодна праекту Карло Рубіа:
https://uk.wikipedia.org/wiki/%D0%9A%D0%B5%D1%80%D0%BE%D0%B2%D0%B0%D0%BD%D0%B8%D0%B9_%D0%BF%D1%80%D0%B8%D1%81%D0%BA%D0%BE%D1%80%D1%8E%D0%B2%D0%B0%D1%87%D0%B5%D0%BC_%D0%BF%D1%96%D0%B4%D0%BA%D1%80%D0%B8%D1%82%D0%B8%D1%87%D0%BD%D0%B8%D0%B9_%D1%80%D0%B5%D0%B0%D0%BA%D1%82%D0%BE%D1%80