Кім Чэн Ын прызначыў сваю 13‑гадовую дачку на кіраўнічую пасаду ў войску
Паводле паведамленняў паўднёвакарэйскіх СМІ са спасылкай на ўрадавыя крыніцы, кіраўнік КНДР Кім Чэн Ын прызначыў сваю 13‑гадовую дачку на кіраўнічую пасаду ва Упраўленні ракетных сіл — структуры, якая курыруе ядзерны патэнцыял краіны.
Як сцвярджаецца, гаворка ідзе пра пасаду ўзроўню кіраўніка ведамства. Паводле інфармацыі крыніц, Кім Чжу Э паступова рыхтуюць да магчымай будучай ролі ў кіраўніцтве Карэйскай народнай арміі: яе знаёмяць з дакладамі генералаў, а ў асобных выпадках яна нібыта аддае распараджэнні замест афіцыйнага кіраўніка ўпраўлення.
Гэтыя паведамленні з’явіліся на фоне Дзявятага з’езда Працоўнай партыі Карэі, падчас якога Кім Чэн Ына зноў абралі генеральным сакратаром партыі — гэтую пасаду ён займае ўжо 15 гадоў. У рэзалюцыі з’езда падкрэсліваецца, што пад яго кіраўніцтвам войска краіны стала моцным і гатовым супрацьстаяць любым пагрозам.
Раней Нацыянальная разведвальная служба Паўднёвай Карэі называла Кім Чжу Э найбольш верагоднай спадкаемніцай улады. Яе частыя публічныя з’яўленні разам з бацькам, у тым ліку падчас выпрабаванняў балістычных ракет, узмацнілі размовы пра магчымую перадачу ўлады. Калі гэта адбудзецца, то стане беспрэцэдэнтным крокам, бо раней у дынастыі Кімаў улада перадавалася па мужчынскай лініі.
Кім Чэн Ына пераабралі на пасаду генеральнага сакратара Працоўнай партыі КНДР
У Пхеньяне адкрылі вуліцу ў гонар паўночнакарэйскіх вайскоўцаў, якія загінулі ў Курскай вобласці
Сэкс, смерць і здрада. У КНДР знялі прапагандысцкі фільм галівудскага ўзору
КНДР паказала сваю першую ядзерную падлодку, але эксперты не вераць у яе сапраўднасць
Карэйцы, якія трапілі ў палон да ўкраінцаў, захацелі жыць у Паўднёвай Карэі
Цяпер чытаюць
У Мінску прадаюць дом на вадзе. Колькі просяць за незвычайны аб'ект на Чыжоўскім вадасховішчы?3
Каментары