У беларускі не атрымалася прачытаць верш у падручніку для 2‑га класа. Ёй накідалі тысячы каментароў
Карыстальніца Nadejda_kuksenkova апублікавала ў TikTok відэа, у якім спрабуе прачытаць верш з падручніка літаратуры для другога класа. Яна прызнаецца, што не ведае значэння некаторых слоў — а значыць, на яе думку, дзіця тым больш не здолее даць рады, піша «МогилевОнлайн».
Іроніі сітуацыі дадае тое, што словы, на якіх аўтарка відэа «спатыкаецца» і няправільна ставіць націскі, тлумачацца проста над самім вершам.
«Людзі добрыя, скажыце мне: што гэта такое? Другі клас. Задалі вучыць верш. Гэта што за словы такія, прабачце мне», — кажа абураная карыстальніца TikTok.
Далей лепш проста паглядзець відэа — бо націскі, якія ставіць жанчына ў беларускіх словах, лепш скажуць пра веданне роднай мовы беларускай.
А вось і тэкст верша:
Весняй зараначкай свеціць,
Лашчыць,
Як звон ручая.
Самая, самая лепшая ў свеце
Мама мая.
Жанчына прызналася, што разумее толькі два радкі: «Самая, самая лепшая ў свеце мама мая». У той жа час дзіцяці нібыта так складана даецца заданне вывучыць верш на памяць, што, са слоў беларускi, яно просіць пакінуць яго дома.
«Гэта трэш нейкі. Я, вядома, усё разумею, але ж можна як-небудзь вершы больш сладна пісаць, ці што?», — пытаецца аўтарка.
Цікава, што над вершам Уладзіміра Карызны падаюцца тлумачэнні тых самых складаных для беларускі слоў: «гай», «зараначка», «лашчыць».
Зараз пад відэа 2 758 каментароў. Хтосьці нават падтрымаў жанчыну за кадрам, але ў шматлікіх фаловераў пост выклікаў сорам.
«Мама, ідзіце ў школу з дзіцём, за суседнюю парту».
«Як можна навучыць дзяцей, калі бацькі нулявыя?»
«Пастаўце правільна націск і ўбачыце, як прыгожа атрымаецца. Мой унук вывучыў проста і ўчора адказаў выдатна».
«Аўтар, не слухайце негатыўныя каментарыі. Пагаджуся з вамі цалкам! Дзіўныя вершы, невядомыя паэты, складана, 2 клас. У нас у класе ўсе дзеці плакалі, пакуль вучылі. Так, бел. мова — наша мова, але ёсць добрыя, мілагучныя вершы, хто складае гэтыя падручнікі???? Як гэта данесці да Мінадукацыі???»
«Да вас пытанне, як вы скончылі школу?»
«Я ўчора з дзіцём таксама вучыла гэты верш, калі чытала, ледзь язык не зламала, і таксама нічога не зразумела. Дзіця кажа, што гэта самы нелюбімы прадмет».
«Паважаныя бацькі, калі вы вось у такім негатыўным ключы абмяркоўваеце школьную праграму, хатняе заданне і настаўнікаў, — не здзіўляйцеся потым, што вашы дзеці не хочуць вучыцца, рабіць урокі і ў школе паводзіць сябе так, каб да вас, як да бацькоў, не было прэтэнзій за іх паводзіны».
«Ні ў адзін націск не трапіла. Талент!»
«У мяне склалася нейкае рамантычнае ўспрыманне Беларусі». Як грамадзянка Літвы выбрала Мінск і беларускую мову
У Астравецкім раёне школьны ўрок да Дня роднай мовы правёў ксёндз
Ілля Шынкарэнка: Проста прыйшоў і сказаў бацькам, што цяпер размаўляю на беларускай мове
«Узяць лахі пад пахі». А што такое лахі?
Беларусаў шакавалі школьнікі з Кармы — яны не пераклалі ніводнага беларускага слова
Цяпер чытаюць
«Бульба» з Оршы пайшоў ваяваць за Расію — цяпер сястра шукае яго ці хаця б яго парэшткі9
Каментары
Таму цалкам зразумела, чаму гэтая кабета не можа прачытаць верш!
Ён для яе на замежнай мове)