U biełaruski nie atrymałasia pračytać vierš u padručniku dla 2‑ha kłasa. Joj nakidali tysiačy kamientaroŭ
Karystalnica Nadejda_kuksenkova apublikavała ŭ TikTok videa, u jakim sprabuje pračytać vierš z padručnika litaratury dla druhoha kłasa. Jana pryznajecca, što nie viedaje značeńnia niekatorych słoŭ — a značyć, na jaje dumku, dzicia tym bolš nie zdoleje dać rady, piša «MohilevOnłajn».
Ironii situacyi dadaje toje, što słovy, na jakich aŭtarka videa «spatykajecca» i niapravilna stavić naciski, tłumačacca prosta nad samim vieršam.
«Ludzi dobryja, skažycie mnie: što heta takoje? Druhi kłas. Zadali vučyć vierš. Heta što za słovy takija, prabačcie mnie», — kaža aburanaja karystalnica TikTok.
Dalej lepš prosta pahladzieć videa — bo naciski, jakija stavić žančyna ŭ biełaruskich słovach, lepš skažuć pra viedańnie rodnaj movy biełaruskaj.
A voś i tekst vierša:
Vieśniaj zaranačkaj śviecić,
Łaščyć,
Jak zvon ručaja.
Samaja, samaja lepšaja ŭ śviecie
Mama maja.
Žančyna pryznałasia, što razumieje tolki dva radki: «Samaja, samaja lepšaja ŭ śviecie mama maja». U toj ža čas dziciaci nibyta tak składana dajecca zadańnie vyvučyć vierš na pamiać, što, sa słoŭ biełaruski, jano prosić pakinuć jaho doma.
«Heta treš niejki. Ja, viadoma, usio razumieju, ale ž možna jak-niebudź vieršy bolš sładna pisać, ci što?», — pytajecca aŭtarka.
Cikava, što nad vieršam Uładzimira Karyzny padajucca tłumačeńni tych samych składanych dla biełaruski słoŭ: «haj», «zaranačka», «łaščyć».
Zaraz pad videa 2 758 kamientaroŭ. Chtości navat padtrymaŭ žančynu za kadram, ale ŭ šmatlikich fałovieraŭ post vyklikaŭ soram.
«Mama, idzicie ŭ škołu ź dziciom, za susiedniuju partu».
«Jak možna navučyć dziaciej, kali baćki nulavyja?»
«Pastaŭcie pravilna nacisk i ŭbačycie, jak pryhoža atrymajecca. Moj unuk vyvučyŭ prosta i ŭčora adkazaŭ vydatna».
«Aŭtar, nie słuchajcie niehatyŭnyja kamientaryi. Pahadžusia z vami całkam! Dziŭnyja vieršy, nieviadomyja paety, składana, 2 kłas. U nas u kłasie ŭsie dzieci płakali, pakul vučyli. Tak, bieł. mova — naša mova, ale jość dobryja, miłahučnyja vieršy, chto składaje hetyja padručniki???? Jak heta danieści da Minadukacyi???»
«Da vas pytańnie, jak vy skončyli škołu?»
«Ja ŭčora ź dziciom taksama vučyła hety vierš, kali čytała, ledź jazyk nie złamała, i taksama ničoha nie zrazumieła. Dzicia kaža, što heta samy nielubimy pradmiet».
«Pavažanyja baćki, kali vy voś u takim niehatyŭnym klučy abmiarkoŭvajecie školnuju prahramu, chatniaje zadańnie i nastaŭnikaŭ, — nie ździŭlajciesia potym, što vašy dzieci nie chočuć vučycca, rabić uroki i ŭ škole pavodzić siabie tak, kab da vas, jak da baćkoŭ, nie było pretenzij za ich pavodziny».
«Ni ŭ adzin nacisk nie trapiła. Talent!»
«U mianie skłałasia niejkaje ramantyčnaje ŭsprymańnie Biełarusi». Jak hramadzianka Litvy vybrała Minsk i biełaruskuju movu
U Astravieckim rajonie školny ŭrok da Dnia rodnaj movy pravioŭ ksiondz
Illa Šynkarenka: Prosta pryjšoŭ i skazaŭ baćkam, što ciapier razmaŭlaju na biełaruskaj movie
«Uziać łachi pad pachi». A što takoje łachi?
Biełarusaŭ šakavali školniki z Karmy — jany nie pierakłali nivodnaha biełaruskaha słova
Ciapier čytajuć
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary
Tamu całkam zrazumieła, čamu hetaja kabieta nie moža pračytać vierš!
Jon dla jaje na zamiežnaj movie)