Размова ідзе ў тым ліку пра нафтавыя танкеры і камерцыйныя судны.
Намеснік камандуючага Ваенна-марскіх сіл Корпус вартавых ісламскай рэвалюцыі Махамад Акбарзадэ заявіў, што Іран увёў забарону на любое перамяшчэнне праз Армузскі праліў. Размова ідзе ў тым ліку пра нафтавыя танкеры і камерцыйныя судны, паведамляе агенцтва Fars.
Раней Іран пагразіў «спальваць» усе судны ў Армузскім праліве, якія паспрабуюць прайсці праз Армузскі праліў, заявіў дарадца камандуючага Корпусам вартавых ісламскай рэвалюцыі Ібрахім Джабары.
«Мы не дазволім ніводнай кроплі нафты пакінуць гэты рэгіён», — падкрэсліў ён, дадаўшы, што Тэгеран гатовы «ўдарыць па ўсіх нафтаправодах у рэгіёне», каб спыніць экспарт нафты з Блізкага Усходу.
З 28 лютага, калі пачалася ваенная аперацыя ЗША і Ізраіля супраць Тэгерана, іранскія ваенныя атакавалі пяць нафтавых танкераў у Армузскім праліве.
У прыватнасці, пад удары трапілі танкеры MRD Vyom пад сцягам Маршалавых Астравоў, Hercules Star (Гібралтар), Stena Imperative (ЗША), Athen Nova (Гандурас), а таксама адно судна ў порце Джэбель-Алі (ААЭ).
Армузскі праліў — найважнейшая энергетычная артэрыя планеты: праз яе праходзіць каля 20% сусветных паставак нафты і да 30% звадкаванага прыроднага газу (ЗПГ).
Пасля пачатку ваеннай аперацыі супраць Ірана суднаходства ў пратоцы аказалася паралізавана — Тэгеран, які кантралюе паўночны бераг пралмву, аб'явіў аб спыненні гандлю праз яе.
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра12
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары