«Сардэчна запрашаю зноў у «Лічбавы супраціў», мае рускія браты і сёстры», — напісаў ён.
Павел Дураў. Фота: сацсеткі
Стваральнік Telegram Павел Дураў пракаментаваў блакаванне месенджара ў Расіі, паабяцаўшы зрабіць яго трафік «больш складаным для выяўлення і блакавання».
«Сардэчна запрашаю зноў у «Лічбавы супраціў», мае рускія браты і сёстры. Зараз уся нацыя мабілізаваная, каб абысці гэтыя абсурдныя абмежаванні. Мы таксама будзем адаптавацца, робячы трафік Telegram больш складаным для выяўлення і блакавання», — напісаў ён.
Прадпрымальнік адзначыў, што некалькі гадоў таму Іран забараніў Telegram — «і вынік аказаўся аналагічным расійскаму». Паводле яго даных, 65 мільёнаў расіян штодня карыстаюцца Telegram праз VPN, а больш за 50 мільёнаў — адпраўляюць паведамленні.
Каментары
Увогуле яго паводзіны мутнаватыя. Чамусьці дазваляў рэкламу альтэрнатыўнага расейскага кліента Telega, які значна зніжае ўзровень бяспекі.
Зараз павялічылася рызыка, што расеяне не змогуць купляць тэлеграм прэміум. І толькі тады пачаў думаць?
На Беларусь гэта пакуль напрамую не ўплывае. Але гонка тэхналогій па блакіроўцы ўплывае ўскосна: тут ідуць па слядах РФ. І наступствы могуць быць горшымі не толькі для карыстальнікаў тэлеграма, але і іншых месэнджараў, VPN.
Звычайным беларусам зараз таксама патрэбная, жыццёва неабходная тая ананімнасць, як і крымінальнікам. Такое жыццё пры таталітарызме.
І калі не будзе тэлеграма, усе, каму патрэбная ананімнасць (хоць ўмоўная), пойдуць у які вацап або сігнал, тор і г.д.
Да таго ж пачніце шукаць "дах" наркатрафіка ўнутры МУС, а не сярод шэраговых распаўсюджвальнікаў.