Лукашэнка папрасіў АДКБ быць «вельмі акуратнай і карэктнай» у працы з Арменіяй
Заява Аляксандра Лукашэнкі прагучала на фоне працяглага крызісу ў адносінах паміж Ерэванам і Арганізацыяй Дагавора аб калектыўнай бяспецы.
Аляксандр Лукашэнка сёння сустрэўся з генеральным сакратаром АДКБ Таалатбекам Масадыкавым.
«Нам трэба быць больш карэктнымі і акуратнымі ў рабоце з Арменіяй. Вы ведаеце, што Арменія быццам бы і не падтрымлівае работу ў АДКБ, але ў той жа час застаецца ў арганізацыі. Трэба быць вельмі карэктнымі. У Арменіі складаная сітуацыя ў гэтым плане, асабліва ў электаральны перыяд. Вельмі няпростая сітуацыя», — сказаў ён.
Днямі спікер парламента Арменіі Ален Сіманян заявіў, што Арменія можа выйсці з АДКБ і ЕАЭС, калі Масква будзе ісці на абвастрэнне. Заява стала адказам на жорсткія патрабаванні з боку прэзідэнта Расіі Уладзіміра Пуціна падчас перамоў з прэм’ер-міністрам Арменіі Ніколам Пашынянам.
Цяпер чытаюць
Анжаліка Мельнікава пасля знікнення набыла дзве кватэры ў Мінску79
Каментары