«Згадайце гэты кавалак лёду!» Трамп сустрэўся з генеральным сакратаром НАТА і зноў загаварыў пра Грэнландыю
«Гэты вялікі, дрэнна кіраваны кавалак лёду!»
Генеральны сакратар НАТА Марк Рутэ сустрэўся ў Белым доме з Дональдам Трампам. Гэта была іх першая сустрэча пасля таго, як Трамп раскрытыкаваў саюзнікаў у Еўропе за адмову далучыцца да вайны, якую ЗША і Ізраіль вядуць супраць Ірана, паведамляе Бі-бі-сі.
Пасля гэтага прэзідэнт ЗША заявіў, што Амерыка можа выйсці з арганізацыі, у якой Злучаныя Штаты адыгрываюць ключавую ролю і якую Трамп раней называў «папяровым тыграм». Гэта заява Трампа, паводле слоў прэс-сакратара Белага дома, магла стаць адной з тэм размовы Трампа і Рутэ.
Сустрэча прайшла за зачыненымі дзвярыма. У інтэрв’ю CNN Рутэ назваў размову «вельмі адкрытай і шчырай», аднак не адказаў наўпрост на пытанне, ці казаў Трамп пра выхад з НАТА. Паводле слоў Рутэ, Трамп «засмучаны» паводзінамі саюзнікаў.
Прэзідэнт ЗША пракаментаваў сустрэчу ў Truth Social, паскардзіўшыся, што «НАТА не дапамагло нам, калі нам гэта было трэба», і дадаў: «Успомніце Грэнландыю — гэты вялікі, дрэнна кіраваны кавалак лёду!»
Намер Трампа «атрымаць» Грэнландыю, аўтаномію ў складзе Даніі, справакаваў крызіс у НАТА.
Пазней прэзідэнт ЗША заявіў, што не плануе сілай захопліваць востраў, але паабяцаў, што «не забудзе» негатыўную рэакцыю на сваю ідэю з боку саюзнікаў з НАТА.
На гэтым тыдні Wall Street Journal пісала са спасылкай на крыніцы пра жаданне Трампа «пакараць» еўрапейскія краіны, якія адмовіліся ад удзелу ў вайне ЗША і Ізраіля супраць Ірана.
Цяпер чытаюць
Мама Бажэны Ярэміч, якая рыхтуе прыгажунь для Лукашэнкі, купіла элітны катэдж коштам $837 тысяч21
Каментары