55‑гадовая Алена Паўлечка 10 год кіравала буйным прамысловым цэнтрам — Мазыром. Сёння ў горад прызначаны новы мэр.
Паўлечка нарадзілася ў 1971 годзе ў Нараўлянскім раёне. Скончыла Беларускую дзяржаўную сельскагаспадарчую акадэмію. Пачынала бухгалтарам у калгасе «Кіраўскае», пазней займала пасады эканаміста і галоўнага эканаміста. Працавала на кіруючых пасадах у Мазырскім райвыканкаме.
У 2016 годзе стала старшынёй Мазырскага раённага выканаўчага камітэта.
Была «Жанчынай года — 2019». Асаблівага адцення яе звальненню дадае тое, што адбылося яно ў Год жанчыны.
Новым кіраўніком Мазырскага райвыканкама стаў 47‑гадовы Аляксандр Верамееў.
Верамееў толькі ў жніўні 2024 года ўзначаліў Петрыкаўскі райвыканкам.
Да прызначэння ён увесь час працаваў на адным прадпрыемстве — «Палессе-Аграінвест» (гаспадарка Мазырскага НПЗ).
З 1999 года прайшоў шлях ад загадчыка гаража, інжынера-механіка і галоўнага інжынера да намесніка дырэктара па маркетынгу. Год да пераходу на дзяржслужбу кіраваў гэтым прадпрыемствам.
Цяпер чытаюць
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты24
Каментары