Тэрыторыю непрададзенай гістарычнай сядзібы ў Сенненскім раёне ператварылі ў сметнік
У Сенненскім раёне працягваюцца беспаспяховыя спробы прадаць старую сядзібу Беліца, якая мае статус гісторыка-культурнай каштоўнасці другой катэгорыі. Аднак цяпер сітуацыя стала яшчэ горшай: пракуратура выявіла, што тэрыторыя былой сядзібы ператварылася ў сметнік. Там назапасіліся бытавыя адкіды і смецце з драўніны, піша Orsha.eu.
Сядзіба знаходзіцца ў аграгарадку Полымя і была пабудаваная ў пачатку XIX стагоддзя ў стылі позняга класіцызму. Апошнімі яе ўладальнікамі былі шляхцічы Свяцкія. Усе будынкі комплексу лічацца гісторыка-культурнымі помнікамі XVIII стагоддзя. Асаблівую значнасць гэта месца атрымала яшчэ і таму, што ў 1903—1904 гадах там працаваў Янка Купала.
Нягледзячы на гістарычную каштоўнасць сядзібы, яе стан застаецца занядбаным, а тэрыторыя не падтрымліваецца ў належным парадку.
Пракуратура таксама выявіла іншыя праблемы, звязаныя з аховай гістарычнай спадчыны ў раёне. На васьмі археалагічных помніках, якія маюць статус каштоўнасцяў трэцяй катэгорыі, адсутнічаюць ахоўныя шыльды. Гэта сведчыць пра тое, што патрабаванні па захаванні гісторыка-культурных аб’ектаў ігнаруюцца не толькі асобнымі людзьмі, але і мясцовымі ўладамі.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары