«Гэта фантастычны дзень», — адзначыў Джэф Лэндры.
Спецыяльны пасланнік Дональда Трампа ў Грэнландыі Джэф Лэндры прыбыў у панядзелак у Нуук, каб «слухаць і вучыцца», паведамляе DR.
Пасля прыбыцця ў Нуук Лэндрі заявіў, што прывёз пасланне ад Трампа. «Я размаўляў з ім позна ўвечары, і ён сказаў: «Едзь туды і завядзі як мага больш сяброў». Я тут, каб слухаць і вучыцца», — сказаў ён.
Журналісты спыталі ў спецпрадстаўніка Трампа пра мэты яго візіту, у прыватнасці, «ці ідзе гаворка ўсё яшчэ пра захоп Грэнландыі». Лэндры, у сваю чаргу, гэта адмаўляў.
«Я тут проста для таго, каб наладжваць адносіны, слухаць і вучыцца, а таксама глядзець, ці ёсць магчымасці пашырыць адносіны паміж ЗША, Грэнландыяй і Даніяй. Гэта фантастычны дзень», — адзначыў ён.
Як паведамляецца, падчас візіту ў Грэнландыю амерыканская дэлегацыя носіць кепкі з надпісам Make America Great Again.
Цяпер чытаюць
Беларуская і расійская арміі на беларускай тэрыторыі трэніруюцца наносіць ядзерны ўдар8
Каментары