Вольга Такарчук выказалася пра Ціханоўскага: «Ён знік, таму што тут абасраўся. І трэба было неяк ратаваць сітуацыю»
Блогерка Вольга Такарчук расказала, як Сяргей Ціханоўскі ўспрыняў яе крытыку і чаму, на яе думку, ён знік з інфапрасторы.
У ліпені мінулага года блогерка Вольга Такарчук выступіла з рэзкай крытыкай Сяргея Ціханоўскага, які, на яе думку, за некалькі тыдняў пасля вызвалення зрабіў шэраг памылак.
У інтэрв'ю праграме «Мне толькі спытаць» на «Белсаце» Вольга Такарчук шчыра прызналася Глафіры Жук, што ёй было страшна наважыцца на такі крок, бо яна не ведала, якой будзе рэакцыя гледачоў.
«Калі я гэта выпусціла, памятаю, я ішла да псіхолага, у мяне проста дрыжалі рукі, ногі. Я прыйшла да яе, сяджу, кажу: «Мне так страшна, я пру супраць такога вядомага чалавека, якога чакалі, за якога перажывалі, які столькі прайшоў. [Але] я не згодная з яго словамі, палітыкай», — расказвае блогерка.
Але, як яна адзначае, зваротная рэакцыя аказалася станоўчай:
«Я знайшла проста сотні тысяч «дзякуй», лайкаў, усе сталі данаціць, дапамагаць, падтрымліваць, тэлефанаваць, пісаць. З Амерыкі, адусюль, дзе толькі ёсць людзі. Мне здаецца, мне напісалі ўсе наогул, каго я толькі ведала і не ведала».
На думку Такарчук, такая рэакцыя сведчыць пра тое, што яе меркаванне многія падзялялі, але баяліся выказаць:
«Я зразумела, што людзям гэта таксама балела. Іх гэта зачапіла, але проста яны баяліся, напэўна, сказаць, а я не пабаялася».
На пытанне, як сам Сяргей Ціханоўскі ўспрыняў яе відэа, Такарчук прызналася, што той пакрыўдзіўся.
«Ён сказаў: «Не трэба пра мяне нічога гаварыць», — згадвае Вольга.
Пры гэтым яна адзначае, што не выступае супраць канкрэтных асобаў. Яна не згодная з іх меркаваннем. Сама ж Такарчук таксама гатовая выслухоўваць крытыку, бо, як яна кажа, «мы ўсе маем права на сваё меркаванне, на свае думкі, выказванні, эмоцыі».
«Калі нехта не згодны з маім меркаваннем, на здароўе, кажыце. А можа быць, я наогул паслухаю і прыслухаюся», — даводзіць Такарчук і выказвае надзею:
«Можа быць, у Ціханоўскага за час, пакуль ён у Амерыцы, раптам нешта пераключыцца, ён выйдзе, папросіць прабачэння ва ўсіх, пойдзе па нейкім шляху, з якім я згодная».
На пытанне, як яна ацэньвае тое, што Сяргей Ціханоўскі знік з інфапрасторы, Такарчук адказвае жорстка:
«Знік, таму што тут ён абасраўся, і таму трэба было неяк ратаваць сітуацыю. У любой незразумелай сітуацыі лепш знікнуць. Я рада. Няхай ён пабудзе з дзецьмі, вывучыць мову.
Вядома, не вельмі добра, што яго пад паху Пракоп'еў узяў. Тут як бы мінус. І таму я нічога добрага ад Сяргея і не чакаю, на жаль. Не будзе нічога добрага, пакуль там ідзе замбаванне з боку Вадзіма [Пракоп'ева]».
Каментары
Аааа, ангельскую, як Пракоп загадаў)
Родная не патрэбная, бо вяртацца не збіраецца.