Партыя Пашыняна ўпэўнена перамагла — 50% галасоў, але 60% месцаў у парламенце
«Грамадзянская дамова» прэм'ера Нікола Пашыняна набірае каля паловы галасоў (49,82%) пасля падліку 99% бюлетэняў.
У Арменіі апрацаваныя 1980 пратаколаў з 2008.
На гэты момант «Грамадзянская дамова» Пашыняна атрымлівае 49,82%.
Следам ідуць партыя «Моцная Арменія» (23,3%), блок «Арменія» (9,95%) і «Квітнеючая Арменія» (3,97%).
Такім чынам Пашынян атрымае каля 60% месцаў у парламенце.
Справа ў тым, што ў Арменіі прапарцыйная сістэма з парогам: для партый — 4%, для блокаў — вышэй.
Месцы размяркоўваюцца толькі сярод тых, хто гэты парог пераадолеў. Галасы партый, што не прайшлі парог, дзеляцца паміж сіламі, што прайшлі.
Яўка на выбарах склала 58,97%.
Прэм’ер-міністр Арменіі Нікол Пашынян заявіў пра перамогу сваёй партыі «Грамадзянская дамова», яшчэ калі было падлічана менш за 20% галасоў.
«Мы будзем развіваць нашы адносіны з Расіяй і іншымі краінамі Еўразійскага саюза і, вядома, будзем садзейнічаць умацаванню сувязяў у рамках Саюза», — заявіў Пашынян.
Каментары
Штаны парвуцца па крысе.)