На фасадзе Ватыканскай бібліятэкі з'явілася гіганцкая хваля. Што гэта азначае?
На фасадзе Апостальскай бібліятэкі Ватыкана з’явілася вялізная чорна-белая інсталяцыя французскага мастака JR пад назвай Diluvium. Яна ўяўляе сабой хвалю даўжынёй каля 70 метраў, якая цягнецца ўздоўж сцяны, звернутай да Картыле-дэль-Бельведэрэ, піша выданне Designboom.
Інсталяцыю адкрылі 14 верасня. Яна стала часткай выставы AQVA — першай выставы пяцігадовага цыклу «Катастрофа і цуд», прысвечанай розным формам узаемадзеяння чалавека з прыроднымі стыхіямі і пагрозамі.
Для стварэння хвалі JR выкарыстаў у якасці асновы ілюстрацыю французскага мастака Гюстава Дарэ да біблейскай гісторыі пра патоп, апублікаваную ў 1866 годзе.
Паводле JR, ідэя інсталяцыі ўзнікла пасля размовы з прадстаўнікамі бібліятэкі. Яны расказалі мастаку, што найбольшай пагрозай для яе каштоўных калекцый з’яўляецца вада.
«Ватыканская бібліятэка звярнулася да мяне, таму што для іх вада — найбольшы страх. Бо аднойчы вада можа прыйсці і забраць усю памяць, усе сляды цывілізацыі, якія яны захоўвалі», — патлумачыў мастак.
Вобраз хвалі JR звязвае не толькі з небяспекай затаплення. Ён таксама разглядае яе як сімвал глабальных кліматычных зменаў і экстрэмальнай спякоты, палітычнай палярызацыі, а таксама «хвалі штучнага інтэлекту».
Выстава AQVA паказвае супярэчлівую ролю вады. З аднаго боку, яна можа знішчыць папяровыя дакументы і іншыя матэрыялы бібліятэкі, а з другога — вада неабходная для стварэння і рэстаўрацыі кніг. У экспазіцыі прадстаўленыя матэрыялы з калекцый Апостальскай бібліятэкі Ватыкана і сучасныя мастацкія праекты.
Выставу ўрачыста адкрыў папа Леў XIV падчас свайго першага візіту ў Апостальскую бібліятэку Ватыкана ў якасці пантыфіка. Для наведвальнікаў AQVA адкрыецца 25 верасня і будзе працаваць да 14 мая 2027 года.
Інсталяцыя JR застанецца на фасадзе бібліятэкі на працягу ўсёй выставы.
Андрэй Пачобут сустрэўся з Папам Львом XIV
У Рыме праз засуху сталі бачныя апоры старажытнарымскага моста
Ватыкан адлучыў ад царквы Брацтва святога Пія X. Раскольнікі маюць капліцу ў Мінску, дзе ўсё па-руску — што цяпер чакае гэтых вернікаў
Чаму энцыкліку Папы Льва XIV параўноўваюць з Батлерыянскім джыхадам са свету «Дзюны», а галоўную мудрасць ён чэрпае ў словах Гандальфа
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ5
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары