Мемарыял зроблены за ўласныя сродкі журналіста.
Беларускі журналіст Андрэй Пачобут стаў ганаровым сябрам Таварыства Яна Карскага ў Любліне і адкрыў Камень памяці Яна Карскага, усталяваны за яго ўласныя сродкі, паведамляе Беларуская служба Польскага радыё.
Ён знаходзіцца каля Дуба памяці, пасаджанага ў 2014 годзе да 100‑годдзя з дня нараджэння Яна Карскага. Падчас цырымоніі Андрэй адзначыў важнасць постаці Яна Карскага — чалавека, які імкнуўся данесці да вольнага свету праўду пра нацысцкія злачынствы і генацыд на акупаваных тэрыторыях.
«Часам ты кажаш праўду, а табе не вераць. Усё гэта, вядома, вельмі важна для мяне», — адзначыў журналіст.
Ян Карскі (пры нараджэнні Казялеўскі, 1914-2000) у 1939 годзе браў удзел у абароне Польшчы ад немцаў, трапіў у палон, збег з нямецкага цягніка для ваеннапалонных. Здзейсніў таемную паездку ў Францыю з рапартамі для ўрада Польшчы ў выгнанні, які тады быў у Францыі, узяў псеўданім Карскі, які ён пазней стаў выкарыстоўваць як афіцыйнае прозвішча. Зноў трапіў палон і зноў збег, працаваў у Бюро прапаганды і інфармацыі Галоўнага штаба партызанскай Арміі Краёвай. Таемна наведаў Варшаўскае гета, пераапрануўшыся нямецкім салдатам.
Падрыхтаваў даклад даклад аб злачынствах немцаў у Польшчы і генацыдзе габрэяў. Даклад быў перададзены ўрадам ЗША і Вялікабрытаніі. У 1943 годзе Ян Карскі сустрэўся з прэзідэнтам ЗША Франклінам Рузвельтам, якому расказаў пра генацыд габрэяў. Ён прапанаваў саюзным дзяржавам паставіць ультыматум Германіі, што калі не спыняцца забойствы габрэяў — будуць бамбардзіраваныя нямецкія гарады.
Пасля вайны жыў у ЗША, быў прызнаны Ізраілем Праведнікам свету.
Масавыя арышты афіцэраў прайшлі на авіябазе ў Мачулішчах — абвінавачваюць у сувязях з апазіцыяй43
Каментары
Беларускі журналіст піша па-беларуску і артыкулы, і надпісы на помніках.
Пачобут піша па-польску і надпіс па-польску зрабіў на помніку. Нават не на двух мовах.