Miemaryjał zrobleny za ŭłasnyja srodki žurnalista.
Biełaruski žurnalist Andrej Pačobut staŭ hanarovym siabram Tavarystva Jana Karskaha ŭ Lublinie i adkryŭ Kamień pamiaci Jana Karskaha, ustalavany za jaho ŭłasnyja srodki, paviedamlaje Biełaruskaja słužba Polskaha radyjo.
Jon znachodzicca kala Duba pamiaci, pasadžanaha ŭ 2014 hodzie da 100‑hodździa z dnia naradžeńnia Jana Karskaha. Padčas cyrymonii Andrej adznačyŭ važnaść postaci Jana Karskaha — čałavieka, jaki imknuŭsia danieści da volnaha śvietu praŭdu pra nacysckija złačynstvy i hienacyd na akupavanych terytoryjach.
«Časam ty kažaš praŭdu, a tabie nie vierać. Usio heta, viadoma, vielmi važna dla mianie», — adznačyŭ žurnalist.
Jan Karski (pry naradžeńni Kazialeŭski, 1914-2000) u 1939 hodzie braŭ udzieł u abaronie Polščy ad niemcaŭ, trapiŭ u pałon, źbieh ź niamieckaha ciahnika dla vajennapałonnych. Ździejśniŭ tajemnuju pajezdku ŭ Francyju z rapartami dla ŭrada Polščy ŭ vyhnańni, jaki tady byŭ u Francyi, uziaŭ psieŭdanim Karski, jaki jon paźniej staŭ vykarystoŭvać jak aficyjnaje proźvišča. Znoŭ trapiŭ pałon i znoŭ źbieh, pracavaŭ u Biuro prapahandy i infarmacyi Hałoŭnaha štaba partyzanskaj Armii Krajovaj. Tajemna naviedaŭ Varšaŭskaje hieta, pieraapranuŭšysia niamieckim sałdatam.
Padrychtavaŭ dakład dakład ab złačynstvach niemcaŭ u Polščy i hienacydzie habrejaŭ. Dakład byŭ pieradadzieny ŭradam ZŠA i Vialikabrytanii. U 1943 hodzie Jan Karski sustreŭsia z prezidentam ZŠA Franklinam Ruźvieltam, jakomu raskazaŭ pra hienacyd habrejaŭ. Jon prapanavaŭ sajuznym dziaržavam pastavić ultymatum Hiermanii, što kali nie spyniacca zabojstvy habrejaŭ — buduć bambardziravanyja niamieckija harady.
Paśla vajny žyŭ u ZŠA, byŭ pryznany Izrailem Praviednikam śvietu.
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj46
Kamientary
Biełaruski žurnalist piša pa-biełarusku i artykuły, i nadpisy na pomnikach.
Pačobut piša pa-polsku i nadpis pa-polsku zrabiŭ na pomniku. Navat nie na dvuch movach.