Эдуарду Бабарыку не залічылі ў агульны тэрмін паўтара года ўтрымання пад вартай
Як стала вядома праваабаронцам «Вясны», у тэрмін не залічылі час утрымання ў СІЗА КДБ да 14 снежня 2021 года.
Эдуард Бабарыка на судзе
Якраз тады Эдуард стаў падазраваным па новай крымінальнай справе, па якой яго сёння асудзілі. Да гэтага яго ўтрымлівалі максімальныя 18 месяцаў паводле ч. 2 арт. 243 КК («Ухіленне ад выплаты падаткаў і збораў, што пацягнула прычыненне шкоды ў асабліва буйным памеры»).
Акрамя гэтага, ч. 1 арт. 293 (арганізацыя масавых беспарадкаў) на судзе перакваліфікавалі на ч. 1 арт. 342 Крымінальнага кодэкса (арганізацыя дзеянняў, якія груба парушаюць грамадскі парадак).
Сёння суддзя Мінскага абласнога суда Уладзімір Арэшка прысудзіў Эдуарда Бабарыку да 8 гадоў зняволення ва ўмовах узмоцненага рэжыму. Пракурор Аляксандр Кароль прасіў 10 гадоў.
Чытайце таксама:
У Фаніпалі чарговыя хапуны за жнівеньскія пратэсты 2020 года — праваабаронцы
Пінчуку далі два гады «хіміі» за каментар пра Лукашэнку пад допісам пра завышаныя цэны на лекі
«За год мы так і не даведаліся, за што канкрэтна была асуджаная Каця Андрэева»