Пінчуку далі два гады «хіміі» за каментар пра Лукашэнку пад допісам пра завышаныя цэны на лекі
У судзе горада Пінска і Пінскага раёна 19 чэрвеня да двух гадоў «хіміі» за каментар пра Лукашэнку пад допісам у «Аднакласніках» пра завышаныя цэны на лекі асудзілі цесляра-бетоншчыка Руслана Шукалу. Суддзя Яўгенія Мельнік прызнала яго вінаватым паводле ч. 1 арт. 368 Крымінальнага кодэкса (абраза Лукашэнкі).
Паводле версіі абвінавачвання, Руслан Шукала 19 красавіка 2022 года, «маючы намер і мэту на прыніжэнне гонару і годнасці ў непрыстойнай форме Аляксандра Лукашэнкі», у «Аднакласніках» пасля прагляду публікацыі ў выглядзе малюнка Лукашэнкі размясціў нецэнзурны каментар у дачыненні да яго, як піша «Вясна».
Мужчына ў судовым пасяджэнні сваю віну прызнаў цалкам.
На судзе Руслан Шукала расказаў, што ў красавіку 2022 года, праглядаючы стужку навін у сацыяльнай сетцы «Аднакласнікі», убачыў публікацыю з выявай Лукашэнкі, пад якой быў тэкст пра завышаныя цэны на лекавыя прэпараты — «паддаўшыся эмоцыям, ён пакінуў каментар абразлівага характару», пра што шкадуе.
У выніку суддзя Яўгенія Мельнік прызначыла пінчуку два гады хіміі.
-
Дзядок — апазіцыянерам: Займаючыся дыскрэдытацыяй Офіса Ціханоўскай, вы льяце ваду на млын рэжыму
-
«Марзалюк — гэта наш зубр». Як праўладны гісторык нечакана стаў трэндам для зумераў у тыктоку
-
«Шатл-бас спачатку спыніўся, а потым пачаў павольна каціцца назад». Беларус, які стаў відавочцам аварыі ў Тайландзе, расказаў падрабязнасці
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»7
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары