Памёр легендарны дызайнер моднага дома Dior
Французскі мадэльер Марк Баан займаў пасаду галоўнага дызайнера моднага дома Dior з 1961 па 1989 год. Ён апранаў такіх зорак, як Элізабет Тэйлар і Грэйс Келі. Пра смерць дызайнера паведаміла газета Le Figaro.
Марк Баан. Фота: Getty Image
Марку Баану было 97 гадоў. З 1990-х ён жыў у адзіноце ў Бургундыі, дзе адрэстаўраваў сабе дом XVIII стагоддзя.
У свой час Баана запрасіў працаваць у модным доме Dior асабіста ягоны заснавальнік Крысціян Дыёр. У 1960 годзе ён замяніў на пасадзе галоўнага дызайнера Dior Іва Сен-Ларана.
Мадэльер шыў уборы для актрыс Элізабет Тэйлар і Грэйс Келі. А калі апошняя выйшла замуж за князя Манака, то ён адказваў за ўборы яе дачок-прынцэс.
Чытайце таксама:
На магіле Фінберга паставілі помнік. З тупой памылкай у імені