Ва ўзросце 76 гадоў пайшоў з жыцьця Джымі Бафет — вядомы амерыканскі музыка, які запомніўся сваёй творчасцю ў жанры кантры-рок. У твітар-акаўнце музыкі паведамляецца, што Бафет «мірна памёр у ноч на 1 верасня ў атачэнні сваёй сям’і, сваіх сабак і музыкі», піша Радыё Свабода.
Больш за ўсё музыка вядомы хітом Margaritaville, які выйшаў у складзе альбома Changes in Latitudes у 1977 годзе. Пасля Яго загаварылі пра так званае «кі-уэстскае» гучаньне — характэрны для творчасці Бафета музычны стыль, які спалучае элементы кантры, поп-музыкі і року (асабліва, так званага жанру троп-рок).
Пазьней у ЗША нават з'явіўся тэрмін parrothead («папугаегаловыя») — так сталі зваць шматлікіх прыхільнікаў Бафета, якія прытрымліваюцца марудлівага «кі-уэстскага» (адсылка да аднайменнага фларыдскага курорту) стылю жыцця, які гучыць у яго песнях.
Пазней пад брэндам Margaritaville Бафет адкрыў серыю рэстаранаў, крам і казіно. Бізнес-імперыя Бафета дазволіла яму стаць адным з найбагацейшых музыкаў, чыё багацце перавысіла адзін мільярд даляраў.
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза14
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары