Сілавікі затрымалі бацьку і сына з-за татуіровак
Сілавікі апублікавалі відэа з затрыманымі бацькам і сынам. Іх вінавацяць у «няправільных» татуіроўках.
У сына татуіроўка — абрэвіятура ACAB (All cops are bastards ), уключаная ў Беларусі ў спіс «экстрэмісцкіх» матэрыялаў. Хлопец кажа, што зрабіў яе ў 16 гадоў, і абяцае звясці яе.
Бацька, які працуе дальнабойшчыкам, паказвае на відэа татуіроўку з «Пагоняй». Паводле яго слоў, ён зрабіў яе восем гадоў таму і абяцае, што «будзе прыбіраць яе».
Герб «Пагоня» ўнесены ў Дзяржаўны спіс гісторыка-культурных каштоўнасцяў.
Пры якіх абставінах бацька з сынам былі затрыманыя і ў якім статусе знаходзяцца, не паведамляецца.
Чытайце таксама:
У Расіі затрымалі дысідэнта, якога Пуцін пераследаваў яшчэ ў СССР
Сілавікі затрымалі былога палітвязня, закідаюць здраду дзяржаве