Сілавікі затрымалі былога палітвязня, закідаюць здраду дзяржаве
Сілавікі затрымалі былога палітвязня Паўла Чуркіна па падазрэнні ў супрацоўніцтве з Галоўным упраўленнем разведкі Міністэрства абароны Украіны. Пра гэта расказалі ў перадачы «Усё па справе» на дзяржаўным тэлеканале «Беларусь 4 Магілёў», піша «Медыязона».
Падчас затрымання Чуркін на камеру гаворыць, што, маўляў, здымаў размяшчэнне «Іскандэраў», каб потым перадаць кадры УСУ. Такое заданне беларусу нібыта далі ў ГУР МА Украіны.
У якасці пацвярджэння, што Чуркін, маўляў, быў завербаваны спецслужбамі Украіны, аўтары сюжэту дэманструюць ролік, дзе мужчына на камеру чытае нешта падобнае на тэкст прысягі Украіне.
Вядучая перадачы гаворыць, што цяпер Чуркіна падазраюць у здрадзе дзяржаве (артыкул 356 КК).
Раней Павел Чуркін быў асуджаны ў 2021 годзе на год калоніі за абразу Лукашэнкі (артыкул 368). Адбываў пакаранне ў турме №4 ў Магілёве і 24 мая 2022 года выйшаў на волю.
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары