Гродзенскі музей купіць карціну мясцовага мастака пра вайну з сімвалам Z
Гродзенскі дзяржаўны гісторыка-археалагічны музей папаўняе фонды. Сярод іх — карціна мастака з Гродна Уладзіміра Качана «Песні вялікай перамогі». На ёй — савецкія партызаны, плакат «На Берлин» з сімвалам Z і самая медыйная ветэранка Валянціна Баранава, піша Hrodna Life.
Карціна «Песні вялікай перамогі» Уладзіміра Качана. Фота: з сайта дзяржзакупак
Карціна напісаная на палатне і белым метале. Тэхніка — друк, акрыл. Памер — 110×160 см. Стварылі яе ў 2024 годзе.
Пакуль невядома, колькі грошай патрацяць на карціну. Гэта высветляць да 6 снежня.
Мастак Уладзімір Качан нарадзіўся ў Гродне. Яму 66 гадоў. Яшчэ ў 1990-х супрацоўнічаў з Гродзенскім гарвыканкамам. Рабіў працы для ўладаў, Гродзенскай праваслаўнай епархіі. Сярод работ — партрэтная галерэя старшыняў Гродзенскага аблвыканкама, цыкл партрэтаў кіраўнікоў УУС Гродзенскага аблвыканкама, галерэі рэктараў і прафесараў мясцовых універсітэтаў. Ён — аўтар пано на фасадзе пажарнай часткі на Замкавай вуліцы.
Чытайце таксама:
Беларуская фабрыка пачала рабіць постары з дываноў