Hrodzienski muziej kupić karcinu miascovaha mastaka pra vajnu ź simvałam Z
Hrodzienski dziaržaŭny historyka-archieałahičny muziej papaŭniaje fondy. Siarod ich — karcina mastaka z Hrodna Uładzimira Kačana «Pieśni vialikaj pieramohi». Na joj — savieckija partyzany, płakat «Na Bierlin» ź simvałam Z i samaja miedyjnaja vieteranka Valancina Baranava, piša Hrodna Life.
Karcina «Pieśni vialikaj pieramohi» Uładzimira Kačana. Fota: z sajta dziaržzakupak
Karcina napisanaja na pałatnie i biełym mietale. Technika — druk, akrył. Pamier — 110×160 sm. Stvaryli jaje ŭ 2024 hodzie.
Pakul nieviadoma, kolki hrošaj patraciać na karcinu. Heta vyśvietlać da 6 śniežnia.
Mastak Uładzimir Kačan naradziŭsia ŭ Hrodnie. Jamu 66 hadoŭ. Jašče ŭ 1990-ch supracoŭničaŭ z Hrodzienskim harvykankamam. Rabiŭ pracy dla ŭładaŭ, Hrodzienskaj pravasłaŭnaj jeparchii. Siarod rabot — partretnaja halereja staršyniaŭ Hrodzienskaha abłvykankama, cykł partretaŭ kiraŭnikoŭ UUS Hrodzienskaha abłvykankama, halerei rektaraŭ i prafiesaraŭ miascovych univiersitetaŭ. Jon — aŭtar pano na fasadzie pažarnaj častki na Zamkavaj vulicy.
Čytajcie taksama:
Biełaruskaja fabryka pačała rabić postary z dyvanoŭ