Асад уцёк у Расію і папрасіў палітычны прытулак
Былы кіраўнік Сірыі прыляцеў у Маскву са сваёй сям'ёй.
Башар Асад і Уладзімір Пуцін. Фота: Kremlin Press Office / Handout/Anadolu Agency/Getty Images
Башар Асад прыляцеў з сям'ёй у Расію і папрасіў палітычны прытулак.
Яго просьба была задаволена, паведамляе ТАСС са спасылкай на крыніцы ў Крамлі.
«Асад разам з членамі сваёй сям'і прыбыў у Маскву. Расія, кіруючыся гуманітарнымі меркаваннямі, надала ім прытулак», — адзначыла крыніца.
Паведамляецца, што лідары паўстанцаў гарантавалі бяспеку расійскіх вайсковых баз і дыпламатычных устаноў.
Асад пакінуў Дамаск сёння раніцай пасля таго, як у сталіцу Сірыі ўвайшлі ўзброеныя паўстанцы. Пры гэтым паведамлялася, што вайсковы самалёт з Асадам знік з радараў неўзабаве пасля ўзлёту. Аднак звесткі аб тым, што самалёт быў збіты ракетай ці ізраільскімі ВПС, не пацвердзіліся.
Сям’я Асадаў кіравала Сірыяй больш за 50 гадоў.
Чытайце таксама:
Ізраіль нанёс авіяўдары па Дамаску. І заняў частку тэрыторыі Сірыі на Галанскіх вышынях
З’явілася відэа люксавых аўто з гаража Башара Асада
МЗС Расіі перастала называць сірыйскіх паўстанцаў тэрарыстамі — цяпер кажуць пра апазіцыю
Башар Асад пакінуў пасаду прэзідэнта Сірыі і краіну — МЗС Расіі
Фрыдман: Лёс Асада паказвае, што Лукашэнку «арэшнікі» не дапамогуць